- రేషన్ కార్డు లేకపోయినా రూ.5 లక్షలు..
- పేద కుటుంబాలకు అండగా ఇందిరమ్మ బీమా..
- ఒక్క రూపాయి కట్టకుండానే లబ్ధి
- రేషన్ కార్డు లేకున్నా రూ.5 లక్షల బీమా పొందొచ్చు
ఎవరు అర్హులు? :
18 ఏళ్ల నుంచి 59 ఏళ్ల మధ్య వయస్సు ఉన్నవారు ఈ పథకానికి అర్హులు. రేషన్ కార్డు ఉన్నవారితో పాటు అదిలేని వారు కూడా దరఖాస్తు చేసుకోవచ్చు. అయితే, నామినీ వివరాలు రిజిస్టర్ చేయడం తప్పనిసరి. ఒకరి కన్నా ఎక్కువ మంది నామినీలను చేర్చాలనుకుంటే వారికి ఎంత వాటా ఇవ్వాలనేది కూడా తెలియజేయాలి..
ఎలా అప్లయ్ చేసుకోవాలి? :
నవంబర్ 19 నుంచి డిసెంబర్ 18 వరకు గ్రామ పంచాయతీలు, వార్డు కార్యాలయాల్లో ప్రత్యేక శిబిరాలు నిర్వహించనున్నారు. ఆధార్ కార్డుతో పాటు అందుబాటులో ఉన్న కుటుంబ వివరాలను తీసుకెళ్లి అప్లయ్ చేసుకోవచ్చు. రేషన్ కార్డు లేని వారికి ప్రత్యేక ఫారం అందుబాటులో ఉంటుంది. అంతేకాదు, అధికారులు ఇంటింటికీ వచ్చి వివరాలు సేకరించనున్నారు..
త్వరలో వెబ్సైట్, మొబైల్ యాప్ ద్వారా కూడా స్వయంగా అప్లయ్ చేసుకునే అవకాశం కల్పించనున్నారు. కుటుంబానికి ఆర్థిక భరోసా ఇచ్చే ఈ పథకాన్ని అర్హులైన ప్రతి ఒక్కరూ సద్వినియోగం చేసుకోవాలని ప్రభుత్వం సూచిస్తోంది..

