రౌడీ హీరో విజయ్ దేవరకొండ, నేషనల్ క్రష్ రష్మిక మందన్న జంటగా నటిస్తున్న మోస్ట్ అవైటెడ్ మూవీ **‘రణబాలి’**పై సినీ అభిమానుల్లో భారీ అంచనాలు నెలకొన్నాయి. ముఖ్యంగా విజయ్ దేవరకొండ, రష్మిక మందన్న కలిసి నటిస్తున్న ఈ సినిమాపై మొదటి నుంచే ఆసక్తి కొనసాగుతోంది. తాజాగా చిత్రబృందం టీజర్ రిలీజ్ డేట్తో పాటు థియేట్రికల్ రిలీజ్ తేదీని అధికారికంగా ప్రకటించింది.
‘రణబాలి’ మాస్ యాక్షన్ టీజర్ను సెప్టెంబర్ 9న ప్రేక్షకుల ముందుకు తీసుకురానున్నట్లు మేకర్స్ వెల్లడించారు. “ది లెజెండ్ ఆఫ్ ది కర్స్డ్ ల్యాండ్ రైజెస్” అంటూ టీజర్పై ఆసక్తిని పెంచేలా చిత్రబృందం ఓ ప్రత్యేక వీడియోను విడుదల చేసింది. ఈ ఒక్క లైన్తోనే సినిమాపై అంచనాలను మరింత పెంచే ప్రయత్నం చేసింది.అదే సమయంలో ‘రణబాలి’ థియేట్రికల్ రిలీజ్ డేట్ను కూడా మేకర్స్ ప్రకటించారు. ఈ చిత్రాన్ని అక్టోబర్ 16, 2026న ప్రపంచవ్యాప్తంగా గ్రాండ్గా విడుదల చేయనున్నట్లు వెల్లడించారు. దీంతో విజయ్ దేవరకొండ అభిమానుల్లో ఇప్పటి నుంచే సందడి మొదలైంది. సెప్టెంబర్ 9న విడుదల కానున్న టీజర్లో విజయ్ పాత్ర ఎలా ఉండబోతుందనే దానిపై స్పష్టత వచ్చే అవకాశం ఉందని అభిమానులు ఆసక్తిగా ఎదురుచూస్తున్నారు.
ఈ సినిమాకు ‘టాక్సీవాలా’ ఫేమ్ రాహుల్ సాంకృత్యాన్ దర్శకత్వం వహిస్తున్నారు. విజయ్ దేవరకొండతో రాహుల్ సాంకృత్యాన్కు ఇది మరోసారి కాంబినేషన్ కావడంతో సినిమాపై ప్రత్యేకమైన ఆసక్తి నెలకొంది. గతంలో వీరిద్దరి కలయికలో వచ్చిన ‘టాక్సీవాలా’ ప్రేక్షకులను ఆకట్టుకున్న నేపథ్యంలో.. ‘రణబాలి’పై కూడా భారీ అంచనాలు ఏర్పడ్డాయి.19వ శతాబ్దం నేపథ్యంలో ఈ కథ సాగుతుందని సినీ వర్గాల్లో ప్రచారం జరుగుతోంది. వలస పాలనకు వ్యతిరేకంగా జరిగిన పోరాటాన్ని ఆధారంగా చేసుకుని భారీ యాక్షన్ డ్రామాగా సినిమాను తెరకెక్కిస్తున్నట్లు సమాచారం. పీరియాడిక్ అంశాలు, భారీ యాక్షన్ సన్నివేశాలతో రాహుల్ సాంకృత్యాన్ ఈ సినిమాను మరింత భారీ స్కేల్లో రూపొందిస్తున్నట్లు టాక్ వినిపిస్తోంది.
విజయ్ దేవరకొండ ఈ సినిమాలో విభిన్నమైన పాత్రలో కనిపించనున్నట్లు ప్రచారం జరుగుతోంది. అయితే ఆయన పాత్ర స్వభావం, కథకు సంబంధించిన పూర్తి వివరాలు ఇంకా అధికారికంగా వెల్లడించలేదు. సెప్టెంబర్ 9న విడుదల కానున్న టీజర్తో కథా నేపథ్యం, విజయ్ పాత్రకు సంబంధించిన మరిన్ని వివరాలు బయటకు వచ్చే అవకాశం ఉంది.మరోవైపు హాలీవుడ్ నటుడు ఆర్నాల్డ్ వోస్లూ ఈ చిత్రంలో కీలక పాత్రలో కనిపించనుండటం మరో ప్రత్యేక ఆకర్షణగా మారింది. మైత్రీ మూవీ మేకర్స్, టీ-సిరీస్ సంయుక్తంగా నిర్మిస్తున్న ఈ సినిమాకు అజయ్–అతుల్ సంగీతం అందిస్తున్నారు.
విజయ్ దేవరకొండ, రష్మిక మందన్న కాంబినేషన్కు ఉన్న క్రేజ్కు తోడు పీరియాడిక్ యాక్షన్ నేపథ్యం, రాహుల్ సాంకృత్యాన్ దర్శకత్వం, భారీ నిర్మాణ విలువలు ‘రణబాలి’పై అంచనాలను మరింత పెంచుతున్నాయి. ఇప్పుడు సెప్టెంబర్ 9న టీజర్ ఎలా ఉండబోతుందనే దానిపైనే అందరి దృష్టి నెలకొంది. టీజర్కు ప్రేక్షకుల నుంచి ఎలాంటి స్పందన వస్తుందో చూడాలి.
