- రణబాలి ప్రమోషన్స్‌లో విజయ్ దేవరకొండ, రష్మిక జోరు..
- విజయ్ దేవరకొండ, రష్మిక జంటకు ఫుల్ క్రేజ్..
- రణబాలిపై సందీప్ రెడ్డి వంగా ప్రశంసలు
Ranabaali Movie Promotions : అక్టోబర్ 16న ప్రేక్షకుల ముందుకు వచ్చిన విజయ్ దేవరకొండ, రష్మిక మందన్న జంటగా నటించిన ‘రణబాలి’ సినిమా ప్రమోషన్స్‌తో పాటు సినీ ప్రముఖుల ప్రశంసలతో వార్తల్లో నిలుస్తోంది. సినిమా విడుదల తర్వాత విజయ్, రష్మిక థియేటర్లను సందర్శిస్తూ అభిమానులను కలుస్తున్నారు.
ఇటీవల గుంటూరు, విజయవాడలో సందడి చేసిన ఈ జంట.. తాజాగా హైదరాబాద్‌లోని విమల్ థియేటర్‌కు వెళ్లి అభిమానులతో ముచ్చటించింది. ప్రేక్షకులతో కలిసి సినిమా విజయాన్ని సెలబ్రేట్ చేసుకుంటూ ప్రచార కార్యక్రమాలను కొనసాగిస్తోంది.
రణబాలిపై సందీప్ రెడ్డి ప్రశంసలు :
మరోవైపు, ‘రణబాలి’ సినిమాపై ప్రముఖ దర్శకుడు సందీప్ రెడ్డి వంగా ప్రశంసలు కురిపించారు. ఎక్స్‌ (ట్విట్టర్‌) వేదికగా స్పందిస్తూ, “మిత్రులారా.. దేవరకొండ విజయ్ సాయి అద్భుతమైన పాత్ర చిత్రణ కోసం ‘రణబాలి’ సినిమా చూడండి” అని ప్రేక్షకులకు సూచించారు.
విజయ్ దేవరకొండ, రష్మిక మందన్న మధ్య ఉన్న అనుబంధం కేవలం తెరపై కనిపించే కెమిస్ట్రీకి మించినదని అభిప్రాయపడ్డారు. రష్మిక పోషించిన జయమ్మ పాత్ర ఎంతో సహజంగా, హృదయాన్ని కదిలించేలా ఉందని ప్రశంసించారు.
Read Also : Saddula Bathukamma Celebrations : తెలంగాణలో సద్దుల బతుకమ్మ సంబరం.. ట్యాంక్‌బండ్‌పై పూల జాతర..!
అలాగే, ‘రణబాలి’కి సంగీతం అందించిన అజయ్–అతుల్‌ సంగీతాన్ని సందీప్ రెడ్డి వంగా ప్రత్యేకంగా అభినందించారు. దర్శకుడు రాహుల్ సంకృత్యాన్ చరిత్రను తెరకెక్కించిన తీరులో కనిపించిన శ్రద్ధ, జిజ్ఞాస తనను ఆకట్టుకున్నాయని పేర్కొన్నారు.
పాఠశాల పాఠ్యపుస్తకాల్లో ప్రాధాన్యంగా ప్రస్తావించని చరిత్రలోని ఒక భాగాన్ని ఈ సినిమా ప్రేక్షకుల ముందుకు తీసుకొచ్చిందని, ఇందులో విద్యాపరమైన ఆసక్తి కూడా ఉందని తన పోస్టులో వెల్లడించారు. దీంతో ‘రణబాలి’లోని నటన, సంగీతం, చారిత్రక నేపథ్యంపై సందీప్ చేసిన వ్యాఖ్యలు చర్చనీయాంశంగా మారాయి.
ఇదిలా ఉంటే, సంచలన దర్శకుడు రామ్ గోపాల్ వర్మ కూడా విజయ్ దేవరకొండ నటనపై ప్రశంసలు కురిపించినట్లు ప్రచారం జరుగుతోంది. మరోవైపు, విజయ్–రష్మిక తమ ప్రచార కార్యక్రమాలను మరింత విస్తరిస్తున్నారు.
హైదరాబాద్ ట్యాంక్ బండ్‌పై జరగనున్న సద్దుల బతుకమ్మ కార్యక్రమంలో పాల్గొని సినిమాను ప్రమోట్ చేయనున్నట్లు సమాచారం. థియేటర్ సందర్శనలు, అభిమానులతో సమావేశాలు, సినీ ప్రముఖుల ప్రశంసలతో ‘రణబాలి’ చుట్టూ ఆసక్తి కొనసాగుతోంది. రానున్న రోజుల్లో సినిమా బాక్సాఫీస్ ప్రయాణం ఎలా ఉండబోతుందనేది ఆసక్తికరంగా మారింది.
