మంచు మనోజ్ ప్రధాన పాత్రలో నటిస్తున్న ప్రతిష్టాత్మక చిత్రం ‘డేవిడ్ రెడ్డి’. హనుమా రెడ్డి దర్శకత్వంలో తెరకెక్కుతున్న ఈ సినిమాను భరత్ మోతుకూరి, వెంకటరెడ్డి నల్లగంగుల సంయుక్తంగా నిర్మిస్తున్నారు. బ్రిటిష్ కాలం నాటి కథాంశంతో, 1897 నుంచి 1920ల మధ్య కాలాన్ని నేపథ్యంగా తీసుకుని ఈ చిత్రాన్ని రూపొందిస్తున్నారు. ఇప్పటికే ఈ సినిమాపై ప్రేక్షకుల్లో ఆసక్తి నెలకొనగా.. తాజాగా రమ్యకృష్ణ ఫస్ట్లుక్ విడుదల కావడంతో అంచనాలు మరింత పెరిగాయి.
రమ్యకృష్ణ పుట్టినరోజు సందర్భంగా ‘డేవిడ్ రెడ్డి’ చిత్రబృందం ఆమెకు సంబంధించిన ప్రత్యేక ఫస్ట్లుక్ పోస్టర్ను విడుదల చేసింది. ఇందులో ఆమె ‘కమలా రెడ్డి’ అనే కీలకమైన పాత్రలో కనిపించనున్నారు. పోస్టర్లో రమ్యకృష్ణ లుక్ ఎంతో పవర్ఫుల్గా ఉండటంతో సినిమా కథలో ఆమె పాత్ర ఏ స్థాయిలో ఉండబోతోందనే ఆసక్తి మొదలైంది.
కమలా రెడ్డి పాత్ర కథలో కీలకంగా ఉండటమే కాకుండా.. సినిమాకు ప్రధాన ఆకర్షణగా నిలవనుందని చిత్రబృందం చెబుతోంది. ఫస్ట్లుక్లో రమ్యకృష్ణ చూపించిన గంభీరమైన లుక్, పాత్రలోని పవర్ను ప్రతిబింబించేలా కనిపిస్తోంది. దీంతో గతంలో ఆమె పోషించిన బలమైన మహిళా పాత్రలు మరోసారి గుర్తుకు వస్తున్నాయి.
ముఖ్యంగా ‘బాహుబలి’ చిత్రాల్లో శివగామి పాత్రలో రమ్యకృష్ణ చూపించిన ప్రభావం ప్రేక్షకులపై ప్రత్యేకమైన ముద్ర వేసింది. ఇప్పుడు ‘డేవిడ్ రెడ్డి’లో కమలా రెడ్డి పాత్ర కూడా అదే స్థాయిలో గుర్తుండిపోయే పాత్ర అవుతుందా? అనే చర్చ మొదలైంది. అయితే ఈ సినిమాలో ఆమె పాత్ర మరింత ఉగ్రంగా, యాక్షన్కు ప్రాధాన్యత ఉన్న విధంగా ఉండబోతోందనే ఆసక్తిని చిత్రబృందం కలిగిస్తోంది.
యాక్షన్లో రమ్యకృష్ణ
రమ్యకృష్ణ కేవలం భావోద్వేగ సన్నివేశాల్లోనే కాకుండా యాక్షన్ సన్నివేశాల్లోనూ కనిపించనున్నారని హీరో మంచు మనోజ్ వెల్లడించారు. తన అధికారిక ఎక్స్ ఖాతా ద్వారా రమ్యకృష్ణకు పుట్టినరోజు శుభాకాంక్షలు తెలిపిన ఆయన.. ఆమెతో కలిసి నటించడం తనకు గౌరవంగా భావిస్తున్నానని పేర్కొన్నారు.
‘డేవిడ్ రెడ్డి’ నుంచి ఉగ్రరూపం దాల్చిన కమలా రెడ్డిని పరిచయం చేస్తున్నామని చెబుతూ.. సినిమాలో రమ్యకృష్ణ యాక్షన్ సన్నివేశాలను చూసేందుకు అభిమానులు వేచి చూడాలని మనోజ్ సూచించారు. దీంతో ఆమె పాత్రపై ప్రేక్షకుల్లో మరింత క్యూరియాసిటీ ఏర్పడింది.
భారీ నేపథ్యంతో ‘డేవిడ్ రెడ్డి’
1897 నుంచి 1920ల మధ్య బ్రిటిష్ పాలన కాలాన్ని నేపథ్యంగా తీసుకుని ఈ సినిమాను రూపొందిస్తున్నారు. అప్పటి సామాజిక, రాజకీయ పరిస్థితులను కథలో భాగంగా చూపించే ప్రయత్నం చేస్తున్నట్లు తెలుస్తోంది. మంచు మనోజ్కు జోడీగా మరియా రియాబోషాప్కా నటిస్తుండగా.. సముద్రఖని, అభయ్ డియోల్ వంటి ప్రముఖ నటులు కీలక పాత్రల్లో కనిపించనున్నారు.
విభిన్నమైన కథాంశంతో పాటు బలమైన పాత్రలకు ప్రాధాన్యత ఇస్తున్న ఈ సినిమాలో రమ్యకృష్ణ పాత్ర ప్రత్యేక ఆకర్షణగా నిలిచే అవకాశం ఉంది. ముఖ్యంగా ఆమె ఫస్ట్లుక్ విడుదలైన తర్వాత కమలా రెడ్డి పాత్రపై ప్రేక్షకుల్లో ఆసక్తి మరింత పెరిగింది.
