ఆర్.వి. స్టూడియోస్, తేజుఫిలిమ్స్ సంయుక్తంగా నిర్మించిన ‘నీవెక్కడ..?’ లఘుచిత్రం ప్రివ్యూ లాంచింగ్ కార్యక్రమం గన్నవరంలో ఘనంగా నిర్వహించారు. ఈ కార్యక్రమానికి చిత్ర నిర్మాత శ్రీమతి నెమలికంటి లక్ష్మీదేవి అధ్యక్షత వహించారు. కార్యక్రమానికి పలువురు సినీ, కళా రంగ ప్రముఖులు హాజరై చిత్ర బృందానికి అభినందనలు తెలిపారు.కార్యక్రమంలో భాగంగా తొలుత సంగీత విభావరి నిర్వహించారు. సంగీత కళాకారులు విజయ్, సూర్య ప్రకాష్, మోహన సినీ గీతాలను ఆలపించి ప్రేక్షకులను అలరించారు. అనంతరం ‘నీవెక్కడ..?’ లఘుచిత్రం ప్రివ్యూను ఆవిష్కరించారు. ప్రివ్యూ అనంతరం చిత్ర కథాంశం, సందేశం, నటీనటుల ప్రతిభపై అతిథులు ప్రశంసలు కురిపించారు.ముఖ్య అతిథిగా పాల్గొన్న రవికుమార్ మాట్లాడుతూ ‘నీవెక్కడ..?’ లఘుచిత్రం ద్వారా సమాజానికి మంచి సందేశాన్ని అందించే ప్రయత్నం చేశారని అన్నారు. చిత్ర బృందం ఎంతో కష్టపడి పనిచేసిందని, వారి శ్రమకు తగిన ఫలితం దక్కాలని ఆకాంక్షించారు. మంచి కథాంశంతో రూపొందించిన ఇటువంటి లఘుచిత్రాలను ప్రేక్షకులు ఆదరించాలని కోరారు.
మరో ముఖ్య అతిథి కేశవులు మాట్లాడుతూ మానవత్వం, మానవ సంబంధాల ప్రాధాన్యతను తెలియజేసేలా ‘నీవెక్కడ..?’ చిత్రాన్ని రూపొందించారని అన్నారు. ప్రస్తుత సమాజంలో మానవ సంబంధాలు, పరస్పర ఆప్యాయత ఎంతో అవసరమని పేర్కొన్నారు. సమాజానికి ఉపయోగపడే సందేశాన్ని అందించే విధంగా చిత్రాన్ని తెరకెక్కించిన దర్శకులు, చిత్ర బృందాన్ని ఆయన అభినందించారు.అనంతరం లఘుచిత్రంలో నటించిన నటీనటులను మెమెంటోలతో ఘనంగా సత్కరించారు. కొండపల్లి అప్పారావు, సుధాకరరెడ్డి, భాను, సురేష్, అజయ్, నిశాంత్, జాహ్నవి, పర్ణిత, ద్రోణదేవి, రాంబాబు తదితరులు తమ పాత్రలకు న్యాయం చేశారని అతిథులు, చిత్ర బృందం ప్రశంసించారు. వారి నటన ప్రేక్షకులను ఆకట్టుకునేలా ఉందని పేర్కొన్నారు.
అదేవిధంగా చిత్ర నిర్మాణంలో సాంకేతికంగా సహకరించిన కళాకారులను కూడా సన్మానించారు. ఫ్లూట్ సహకారం అందించిన మల్లికార్జున, కీబోర్డ్ సహకారం అందించిన మనోరంజన్, వాయిస్ ఓవర్ అందించిన శివ, టైటిల్స్ రూపొందించిన శ్రీరామ్లను చిత్ర బృందం ఘనంగా సత్కరించింది.‘నీవెక్కడ..?’ లఘుచిత్రానికి కథ, కెమెరా, సంగీతం, ఎడిటింగ్తో పాటు దర్శకత్వ బాధ్యతలను దాసరి రవికుమార్ నిర్వహించారు. చిత్రానికి మాటలు, స్క్రీన్ప్లేను సుధాకరరెడ్డి.టి అందించారు. ఈ సందర్భంగా దర్శకుడు దాసరి రవికుమార్, మాటలు, స్క్రీన్ప్లే అందించిన సుధాకరరెడ్డి.టిలను నిర్మాత నెమలికంటి లక్ష్మీదేవి సన్మానించారు.మానవత్వం, మానవ సంబంధాల నేపథ్యంలో మంచి సందేశాన్ని అందించే ప్రయత్నంగా ‘నీవెక్కడ..?’ లఘుచిత్రాన్ని రూపొందించినట్లు చిత్ర బృందం తెలిపింది. ప్రివ్యూ లాంచింగ్ కార్యక్రమం సందర్భంగా చిత్ర బృందానికి పలువురు సినీ, కళా రంగ ప్రముఖులు శుభాకాంక్షలు తెలిపారు.
