Mahesh Babu : రాజమౌళి ప్రస్తుతం మహేష్ బాబుతో వారణాసి సినిమా చేస్తున్న సంగతి తెలిసిందే. ఈ సినిమా షూటింగ్ చివరి దశలో ఉంది. ఈ నెలతో వారణాసి షూటింగ్ పూర్తవుతుందని సమాచారం. వచ్చే సంవత్సరం ఏప్రిల్ 7న సినిమా రిలీజ్ చేస్తారని కూడా ప్రకటించారు. మరి అప్పటికి రిలీజ్ అవుతుందా లేదా అంటే ఎదురుచూడాల్సిందే. తాజాగా వారణాసి సినిమా గురించి ఆసక్తికర అప్డేట్ వినిపిస్తుంది.
ఇన్నాళ్లు వేరే సినిమా షూటింగ్స్ చేయకుండా, విదేశాలకు కూడా తక్కువగా వెళ్తూ మహేష్ వారణాసి సినిమా షూటింగ్ కి తన డేట్స్ కేటాయించాడు. ఇప్పుడు ప్రమోషన్స్ కి కూడా సపరేట్ డేట్స్ కేటాయించామని రాజమౌళి నుంచి పెద్ద లిస్ట్ వచ్చిందట. రాజమౌళి ప్రమోషన్స్ అంటే ఏ రేంజ్ లో ఉంటాయో అందరికి తెలిసిందే. ప్రమోషన్స్ కూడా సినిమా రేంజ్ లో చేస్తారు. పాన్ ఇండియా సినిమాలకే చరణ్, ఎన్టీఆర్, ప్రభాస్ లను ఇండియా అంతా తిప్పుతూ బాగా కష్టపెట్టారు.
Also Read : Kevvu Kartheek : అమ్మవారి ఆలయంలో ఫ్యామిలీతో జబర్దస్త్ కెవ్వు కార్తీక్.. దసరా స్పెషల్..
ఇప్పుడు ఏకంగా పాన్ వరల్డ్ సినిమా. హాలీవుడ్ లో ఆల్రెడీ ప్రమోషన్స్ చేసారు. మున్ముందు పాన్ ఇండియాతో పాటు హాలీవుడ్ లో కూడా ప్రమోషన్స్ చేయబోతున్నారు. దీంతో జనవరి నుంచి ఏప్రిల్ వరకు ఏయే తేదీల్లో అందుబాటులో ఉండాలి అని మహేష్ బాబుకి రాజమౌళి ప్రమోషనల్ డేట్స్ కోసం లిస్ట్ పంపారట. దాని బట్టి మహేష్ తన ప్లాన్స్ చేసుకోవాలి. ఒకవేళ సినిమా వాయిదా పడితే ఆ డేట్స్ మారడం ఖాయం. కానీ కనీసం నెలకు ఒక వారం రోజులు అయినా ప్రమోషన్స్ కి అందుబాటులో ఉండేలా చేసుకొమ్మని రాజమౌళి మహేష్ ని అడిగాడట. మరి మహేష్ బాబు ప్రమోషన్స్ కి ఇచ్చే డేట్స్ ని రాజమౌళి ఏ రేంజ్ లో వాడతారో చూడాలి.
