నేషనల్ క్రష్ రష్మిక మందన్న ఎక్కడ కనిపించినా సందడి వాతావరణం నెలకొంటుంది. తాజాగా హీరో ఆనంద్ దేవరకొండ, వైష్ణవి చైతన్య జంటగా నటించిన ‘ఎపిక్’ మూవీ ట్రైలర్ లాంచ్ ఈవెంట్కు ముఖ్య అతిథిగా హాజరైన రష్మిక.. తన చలాకీతనంతో వేదికపై ప్రత్యేక ఆకర్షణగా నిలిచారు. ముఖ్యంగా ఆనంద్ దేవరకొండను ఆమె ముద్దుగా ‘ఆనందా’ అని పిలవడం, అతనిపై ప్రశంసలు కురిపించడం ఇప్పుడు సోషల్ మీడియాలో చర్చనీయాంశంగా మారింది.
ఆనంద్తో తనకున్న అనుబంధం గురించి రష్మిక వేదికపై మాట్లాడారు. ఈ కార్యక్రమానికి రావాలని ఆనంద్ తనకు ముందుగానే మెసేజ్ చేశాడని, తాను హైదరాబాద్లో ‘రెయిన్బో’ సినిమా షూటింగ్లో ఉన్నప్పటికీ వెంటనే ఈ కార్యక్రమానికి వచ్చానని తెలిపారు. ఆనంద్ అంటే తనకు ఎంతో ఇష్టమని చెబుతూ.. అతను ఎప్పుడూ సంతోషంగా ఉండాలని, తాను చేసే ప్రతి సినిమా, బిజినెస్ సూపర్ హిట్ కావాలని మనస్ఫూర్తిగా కోరుకుంటున్నట్లు చెప్పారు.
ఆనంద్ చాలా స్మార్ట్, హార్డ్ వర్కింగ్ అని రష్మిక ప్రశంసించారు. ఇంటర్వ్యూలలో ఆనంద్ ఎంతో స్పష్టంగా, చక్కగా మాట్లాడుతుంటే తనకు కొంచెం ఎన్వీగా అనిపిస్తుందని సరదాగా వ్యాఖ్యానించారు. దీంతో ఈవెంట్లో నవ్వులు పూశాయి. కార్యక్రమం చివర్లో యాంకర్ కూడా రష్మిక ఆనంద్ను ఎంత ముద్దుగా ‘ఆనందా’ అని పిలుస్తున్నారో ప్రస్తావించడం ప్రత్యేక ఆకర్షణగా నిలిచింది.
ఇక ‘ఎపిక్’ ట్రైలర్పై కూడా రష్మిక ఆసక్తికర వ్యాఖ్యలు చేశారు. ఈ సినిమా కథ గురించి తనకు ముందుగా ఎలాంటి ఐడియా లేదని, వేదికపై అందరితో కలిసి తొలిసారి ట్రైలర్ చూశానని చెప్పారు. ట్రైలర్ చూసిన వెంటనే తనకు ఒక పర్ఫెక్ట్ రొమాంటిక్ కామెడీ కొరియన్ డ్రామా చూసిన అనుభూతి కలిగిందని తెలిపారు.
ప్రస్తుతం ఇలాంటి ఫీల్గుడ్ రొమాంటిక్ కామెడీ సినిమాలు రావడం, ప్రేక్షకులను ఆకట్టుకోవడం అంత సులభం కాదని రష్మిక అభిప్రాయపడ్డారు. అయితే ‘ఎపిక్’ ఆ మ్యాజిక్ను ప్రేక్షకులకు అందిస్తుందని ఆశాభావం వ్యక్తం చేశారు. సినిమాలో హీరోయిన్ వర్షు పాత్రను ఎంతో అద్భుతంగా డిజైన్ చేశారని, ఆనంద్ తనకు ఈ క్యారెక్టర్ గురించి ముందే చెప్పాడని వెల్లడించారు.
వైష్ణవి చైతన్య తెరపై కనిపించిన తీరు, ఆమె స్క్రీన్ ప్రెజెన్స్ను కూడా రష్మిక ప్రశంసించారు. మహిళా పాత్రలకు ప్రాధాన్యత ఇస్తూ ఇలాంటి మంచి క్యారెక్టర్స్ రాస్తున్నందుకు సంతోషంగా ఉందని అన్నారు. ట్రైలర్లో ఆదిత్య పాత్రను చూసి కూడా రష్మిక ఆసక్తికరంగా స్పందించారు. సాధారణంగా చాలా షైగా కనిపించే ఆదిత్య.. ట్రైలర్లో మాత్రం పూర్తిగా భిన్నంగా, వైల్డ్గా కనిపించాడని సరదాగా వ్యాఖ్యానించారు.
సంగీత దర్శకుడు హేశాంత్తో తనకున్న పరిచయాన్ని కూడా రష్మిక గుర్తు చేసుకున్నారు. ‘ది గర్ల్ఫ్రెండ్’ సినిమా కోసం ఆయనతో కలిసి పనిచేస్తున్నట్లు తెలిపారు. అదే సమయంలో సీనియర్ నటుడు శివాజీని ఈ వేదికపై కలవడం తనకు ఆనందంగా ఉందని చెప్పారు.
ఇక ‘రెయిన్బో’ సినిమా అప్డేట్ కోసం ఎదురుచూస్తున్న అభిమానులకు కూడా రష్మిక సరదాగా సమాధానం ఇచ్చారు. ‘రెయిన్బో’ షూటింగ్ జరుగుతోందని చెబుతూనే.. ప్రస్తుతం తన ఫోకస్ మొత్తం ‘ఎపిక్’పైనే ఉందని తెలిపారు.
చివరగా ‘ఎపిక్’ సినిమా పెద్ద విజయం సాధించాలని కోరుకుంటూ రష్మిక కొరియన్ హార్ట్ సింబల్తో ఈవెంట్ను ముగించారు. సెప్టెంబర్ 10న ప్రీమియర్స్, సెప్టెంబర్ 11న థియేటర్లలో ‘ఎపిక్’ విడుదల కానుంది. ఆనంద్ దేవరకొండ, వైష్ణవి చైతన్య జంటగా నటించిన ఈ రొమాంటిక్ కామెడీపై ఇప్పటికే ప్రేక్షకుల్లో ఆసక్తి నెలకొంది.
