రైతుల జీవితాలను ప్రతిబింబించే కథాంశంతో రూపొందుతున్న ‘ఫ్యూచర్ ఫిల్మ్’ చిత్రీకరణ గుంటూరుకు సమీపంలోని వింజనంపాడు గ్రామంలో ఘనంగా ప్రారంభమైంది. రైతుల జీవితం, వారు ఎదుర్కొనే కష్టాలు, సాధించే విజయాలు, అలాగే సమాజం రైతులకు ఎలా చేయూతనివ్వాలనే అంశాలను ప్రధానంగా తీసుకుని ఈ చిత్రాన్ని రూపొందిస్తున్నట్లు చిత్ర దర్శకుడు సుధాకరరెడ్డి టి. తెలిపారు.
గ్రామీణ జీవన విధానం, రైతుల బాధలు, వారి ఆశలు, ఆవేదనలను వాస్తవికంగా చూపించడమే ఈ సినిమా ప్రధాన లక్ష్యమని ఆయన పేర్కొన్నారు. రైతు జీవితం కేవలం పంటలకే పరిమితం కాదని, అది కుటుంబం, సమాజం, ఆర్థిక వ్యవస్థతో ముడిపడి ఉన్న గొప్ప జీవన విధానమని ఈ చిత్రం ద్వారా తెలియజేయనున్నట్లు చెప్పారు.
ఈ చిత్రానికి తొలి షెడ్యూల్ను గుంటూరు పరిసర ప్రాంతాల్లో, ముఖ్యంగా వింజనంపాడు గ్రామంలో చిత్రీకరిస్తుండగా, రెండో షెడ్యూల్ను విజయవాడ, అమరావతి ప్రాంతాల్లో నిర్వహించనున్నట్లు దర్శకుడు వెల్లడించారు. గ్రామీణ నేపథ్యంలో సహజత్వాన్ని ప్రతిబింబించేలా చిత్రీకరణ జరుపుతున్నామని, రైతుల జీవిత సత్యాలను ప్రేక్షకుల ముందుకు తీసుకురావడం కోసం ప్రత్యేక శ్రద్ధ తీసుకుంటున్నామని తెలిపారు.
తేజు ఫిలిమ్స్ బ్యానర్పై రూపొందుతున్న ఈ చిత్రానికి ప్రముఖ అగ్రో కంపెనీ మేనేజింగ్ డైరెక్టర్ సంతోష్ రావు బాల్గురి నిర్మాతగా వ్యవహరిస్తున్నారు. వ్యవసాయం, రైతుల సమస్యలపై అవగాహన కలిగించే కథను తెరపైకి తీసుకురావాలనే ఉద్దేశంతో ఈ చిత్రాన్ని నిర్మిస్తున్నట్లు నిర్మాత పేర్కొన్నారు. రైతుల కష్టాలను సమాజానికి తెలియజేసే బాధ్యత సినిమా రంగానిదని భావించి ఈ ప్రాజెక్టును ప్రారంభించినట్లు చెప్పారు.
ఈ చిత్రానికి జగపతి శ్రీనివాస్ మాటలు అందిస్తుండగా, దాసరి రవికుమార్ కెమెరామెన్ మరియు ఎడిటర్గా బాధ్యతలు నిర్వహిస్తున్నారు. సహ నిర్మాతగా రాజశేఖర్ రెడ్డి డి. వ్యవహరిస్తున్నారు. ప్రచార బాధ్యతలను ఎస్.ఏ.టి. శ్రీధర్ పీఆర్వోగా నిర్వహిస్తున్నారు. బాబాయ్ మీడియా ఈ చిత్రానికి మీడియా భాగస్వామిగా వ్యవహరిస్తోంది.
దర్శకుడు సుధాకరరెడ్డి మాట్లాడుతూ, రైతుల జీవితం ఆధారంగా ఇప్పటికే అనేక కథలు వచ్చినప్పటికీ, ఈ చిత్రం ప్రత్యేక సందేశంతో రూపొందుతుందని చెప్పారు. రైతు కేవలం అన్నదాత మాత్రమే కాదు, సమాజానికి వెన్నెముక అని తెలియజేసేలా కథను తీర్చిదిద్దామని పేర్కొన్నారు. రైతులు ఎదుర్కొనే సమస్యలు, వారి జీవితాల్లోని భావోద్వేగాలు, కుటుంబ పరిస్థితులు, విజయాలు ఇలాంటి అన్నీ అంశాలను ప్రేక్షకుల హృదయాలకు హత్తుకునేలా చూపించనున్నట్లు తెలిపారు.
చిత్రబృందం త్వరలోనే షూటింగ్ పూర్తి చేసి సినిమాను విడుదల చేయాలని లక్ష్యంగా పెట్టుకున్నట్లు సమాచారం. ఈ చిత్రం రైతుల పట్ల సమాజంలో మరింత గౌరవ భావన పెంపొందించడమే కాకుండా, రైతులకు చేయూత ఇవ్వాలనే ఆలోచనను ప్రజల్లో కలిగిస్తుందని దర్శకుడు ఆశాభావం వ్యక్తం చేశారు.
గ్రామీణ నేపథ్యంతో రూపొందుతున్న ఈ ‘ఫ్యూచర్ ఫిల్మ్’ ప్రేక్షకుల మనసుల్లో ప్రత్యేక స్థానం సంపాదిస్తుందని చిత్రబృందం నమ్మకంగా ఉంది. రైతుల జీవితాలపై సందేశాత్మకంగా రూపొందుతున్న ఈ సినిమా ప్రేక్షకుల ప్రశంసలు అందుకుంటుందని, సమాజానికి ఒక మంచి సందేశాన్ని అందిస్తుందని వారు భావిస్తున్నారు.
