అభివృద్ధితో రాష్ట్రాన్ని పారిశ్రామిక కేంద్రంగా మలుస్తున్న చంద్రబాబు ప్రభుత్వం

రాష్ట్రవ్యాప్తంగా పారిశ్రామిక ప్రగతికి శక్తివంతమైన బాటలు వేస్తున్న ముఖ్యమంత్రి చంద్రబాబు నాయుడు, తాజాగా నిర్వహించిన 8వ రాష్ట్రస్థాయి పెట్టుబడుల ప్రోత్సాహక బోర్డు (SIPB) సమావేశంలో కీలక నిర్ణయాలు తీసుకున్నారు. గురువారం సీఎం క్యాంపు కార్యాలయంలో జరిగిన ఈ సమావేశానికి మంత్రులు నారా లోకేష్, కె. అచ్చెన్నాయుడు, పయ్యావుల కేశవ్, టీజీ భరత్, అనగాని సత్యప్రసాద్, గొట్టిపాటి రవికుమార్, కందుల దుర్గేష్, వాసంశెట్టి సుభాష్ లు హాజరయ్యారు. సీఎస్ కె. విజయానంద్‌తో పాటు వివిధ శాఖల ఉన్నతాధికారులు కూడా సమావేశానికి హాజరయ్యారు.

ఈ సమావేశంలో ఐటీ, ఫుడ్ ప్రాసెసింగ్, ఇంధన, పర్యాటక రంగాలకు చెందిన మొత్తం రూ.39,473 కోట్ల విలువైన పెట్టుబడులను SIPB ఆమోదించింది. ఇవి పూర్తయితే 30,899 మందికి నేరుగా ఉద్యోగ అవకాశాలు కలిగే అవకాశం ఉంది. మొత్తం 22 ప్రాజెక్టులకు ఆమోదం లభించింది. ఇందులో పరిశ్రమలు-వాణిజ్య రంగానికి 11, ఇంధన రంగంలో 7, పర్యాటక రంగానికి 3, ఐటీ, ఫుడ్ ప్రాసెసింగ్ రంగాల్లో ఒక్కోటి చొప్పున ఉన్నాయి.

ఎకో సిస్టమ్‌తో సమగ్ర అభివృద్ధి లక్ష్యం

పారిశ్రామిక ప్రాజెక్టుల చుట్టూ సంబంధిత ఎకో సిస్టమ్‌ను అభివృద్ధి చేయాలని ముఖ్యమంత్రి స్పష్టంగా ఆదేశించారు. ఎకో సిస్టమ్‌తో ప్రాజెక్టుల వృద్ధితో పాటు స్థానికులకు, అనుబంధ వ్యాపారాలకు, సేవల రంగానికి లబ్ధి కలగనుంది. భూములు ఇచ్చిన రైతులకు ప్రయోజనం కలిగించేందుకు, సమీప ప్రాంతాల్లో రహదారులు, పోర్టులు, ఎయిర్ పోర్టులు, బిజినెస్ హబ్‌లు వంటి మౌలిక సదుపాయాలను అభివృద్ధి చేయాలని సీఎం సూచించారు.

పర్యాటక ప్రాజెక్టులకు పీపీపీ విధానం

పర్యాటక ప్రాజెక్టులకు సమీకృత ప్రణాళికలతో ముందుకెళ్లాలని సీఎం సూచించారు. శ్రీశైలం ప్రాంతాన్ని ప్రత్యేకంగా అభివృద్ధి చేయాలని, అక్కడ దేవాలయాలతో పాటు నీటి ప్రాజెక్టు, రహదారి విస్తరణకు ప్రాధాన్యత ఇవ్వాలన్నారు. హోటల్ ప్రాజెక్టులతో పాటు వినోదం, సేవల రంగానికి సంబంధించి అనుబంధ కార్యకలాపాలు కూడా ప్రోత్సహించాలన్నారు.

ఎంప్లాయిమెంట్ పోర్టల్ సిద్ధం చేయాలన్న సీఎం

ప్రభుత్వ, ప్రైవేట్ రంగాల్లో ఏర్పడే ఉద్యోగ వివరాలు అందరికీ స్పష్టంగా తెలుస్తుందిలా ఓ ఎంప్లాయిమెంట్ పోర్టల్ రూపొందించాలని సీఎం అధికారులను ఆదేశించారు.

ఆమోదం పొందిన 22 ప్రధాన ప్రాజెక్టులు

మొత్తం SIPBలోనూ భారీ ప్రగతి

ఇప్పటివరకు జరిగిన SIPB సమావేశాల్లో మొత్తం 109 ప్రాజెక్టులకు ఆమోదం లభించింది. వీటివల్ల రూ.5.74 లక్షల కోట్ల పెట్టుబడులు రాష్ట్రానికి వచ్చాయి. 5 లక్షల మందికిపైగా ఉద్యోగ అవకాశాలు అందుబాటులోకి రానున్నాయి. పారిశ్రామిక అభివృద్ధి మాత్రమే కాక, సమాజంలోని అన్ని వర్గాల అభివృద్ధికి దోహదపడే విధంగా ప్రణాళికలు రచిస్తున్న చంద్రబాబు నేతృత్వంలోని ప్రభుత్వం, ఆర్థికంగా బలమైన ఆంధ్రప్రదేశ్‌ను నిర్మించేందుకు కృషి చేస్తోంది.