ప్రముఖ టెక్నాలజీ సంస్థ TCL తన P80 సిరీస్లోకి రెండు కొత్త స్మార్ట్ఫోన్లను తీసుకొచ్చింది. TCL P80, TCL P80 Pro పేర్లతో ఈ రెండు ఫోన్లు మార్కెట్లోకి వచ్చాయి. ఇప్పటికే ఈ సిరీస్లో TCL P80 Ultra అందుబాటులో ఉండగా.. ఇప్పుడు కొత్తగా మరో రెండు మోడళ్లు చేరాయి. ఈ రెండు స్మార్ట్ఫోన్లలో 120Hz రిఫ్రెష్ రేట్ డిస్ప్లే, 50MP కెమెరా, 8GB RAM వంటి ఫీచర్లు ఉన్నాయి. అయితే ప్రాసెసర్, డిస్ప్లే టెక్నాలజీ, కెమెరా సెటప్ వంటి అంశాల్లో రెండు మోడళ్ల మధ్య తేడాలు ఉన్నాయి.
TCL P80 ధర విషయానికి వస్తే.. 8GB RAM, 128GB స్టోరేజ్ వేరియంట్ ధర €349గా ఉంది. భారత కరెన్సీలో ఇది సుమారు రూ.38,500కు సమానం. ఇక 8GB RAM, 256GB స్టోరేజ్ మోడల్ ధర €379గా ఉంది. దీని ధర భారత కరెన్సీలో సుమారు రూ.41,500గా ఉంటుంది. ఈ ఫోన్ Midnight Blue, Sunlight Gold రంగుల్లో లభిస్తుంది. కంపెనీ అధికారిక వెబ్సైట్తో పాటు Amazon ద్వారా కూడా కొనుగోలు చేయవచ్చని TCL తెలిపింది.
మరోవైపు TCL P80 Pro బేస్ వేరియంట్ 8GB RAM, 256GB స్టోరేజ్తో వస్తుంది. దీని ధర €429గా ఉంది. అంటే భారత కరెన్సీలో సుమారు రూ.47,000. అలాగే 8GB RAM, 512GB స్టోరేజ్ వేరియంట్ ధర €499గా ఉంది. దీని భారతీయ విలువ సుమారు రూ.55,000. P80 Pro కూడా Midnight Blue, Sunlight Gold కలర్ ఆప్షన్లలో అందుబాటులో ఉంటుంది.
TCL P80లో 6.83 అంగుళాల డిస్ప్లేను అందించారు. ఇది 2772 × 1280 పిక్సెల్స్ రిజల్యూషన్తో వస్తుంది. డిస్ప్లే 120Hz రిఫ్రెష్ రేట్, గరిష్టంగా 3,200 నిట్స్ బ్రైట్నెస్ను అందిస్తుంది. 2560Hz టచ్ రెస్పాన్స్ రేట్ కూడా ఉంది. అయితే P80 Proలో కనిపించే TCL ప్రత్యేకమైన NXTPAPER డిస్ప్లే టెక్నాలజీని P80లో అందించలేదు.
పనితీరు కోసం TCL P80లో MediaTek Dimensity 7300 Elite చిప్సెట్ను ఉపయోగించారు. దీనికి 8GB RAM జత చేశారు. స్టోరేజ్ పరంగా 128GB, 256GB వేరియంట్లు అందుబాటులో ఉన్నాయి. రోజువారీ పనులు, మల్టీటాస్కింగ్, సోషల్ మీడియా వినియోగం, వీడియో స్ట్రీమింగ్ వంటి అవసరాలకు ఈ కాన్ఫిగరేషన్ ఉపయోగపడేలా ఉంది.
కెమెరా విషయానికి వస్తే TCL P80లో 50MP ప్రధాన కెమెరాను అందించారు. దీనికి OIS, EIS సపోర్ట్ ఇచ్చారు. ప్రధాన కెమెరాతో పాటు అల్ట్రావైడ్, టెలిఫోటో లెన్స్లు కూడా ఉన్నాయి. ఫోన్కు పవర్ అందించేందుకు 5000mAh బ్యాటరీని అందించారు. ఇది 45W ఫాస్ట్ ఛార్జింగ్కు సపోర్ట్ చేస్తుంది. DTS సపోర్ట్తో స్టీరియో స్పీకర్లు, దుమ్ము, నీటి నుంచి రక్షణ కోసం IP68 రేటింగ్ కూడా ఉన్నాయి.
ఇక TCL P80 Proలో 6.83 అంగుళాల డిస్ప్లేను అందించారు. అయితే ఇందులో TCL ప్రత్యేకమైన NXTPAPER టెక్నాలజీ ప్రధాన ఆకర్షణగా నిలిచింది. ఈ టెక్నాలజీ ద్వారా ఫోన్ స్క్రీన్ను ఈ-రీడర్ తరహాలో ఉపయోగించుకునే అవకాశం ఉంటుంది. ఎక్కువసేపు ఫోన్లో చదివే వారికి మరింత సౌకర్యవంతమైన వీక్షణ అనుభవాన్ని అందించడం దీని ఉద్దేశం. యాంటీ-గ్లేర్ టెక్నాలజీతో పాటు బ్లూ లైట్ను తగ్గించే ఫీచర్లు కూడా ఇందులో ఉన్నాయి. గరిష్టంగా 3,200 నిట్స్ బ్రైట్నెస్ను అందిస్తుంది.
P80 Proలో పనితీరు కోసం MediaTek Dimensity 7400 Elite చిప్సెట్ను అందించారు. దీనికి 8GB RAM జత చేశారు. స్టోరేజ్ పరంగా 256GB, 512GB వేరియంట్లు ఉన్నాయి. కెమెరా విభాగంలో 50MP ప్రధాన కెమెరాతో పాటు 8MP అల్ట్రావైడ్ కెమెరాను అందించారు. P80లో ఉన్న టెలిఫోటో కెమెరా మాత్రం P80 Proలో లేదు.
సాఫ్ట్వేర్ సపోర్ట్ విషయంలో TCL P80 Pro ప్రత్యేకంగా నిలుస్తోంది. ఈ ఫోన్కు 3 సంవత్సరాల OS అప్గ్రేడ్లు, ఏకంగా 7 సంవత్సరాల సెక్యూరిటీ అప్డేట్లు అందిస్తామని కంపెనీ తెలిపింది. దీంతో ఎక్కువ కాలం స్మార్ట్ఫోన్ను ఉపయోగించాలనుకునే వారికి P80 Pro ఆకర్షణీయమైన ఆప్షన్గా మారే అవకాశం ఉంది. మొత్తంగా డిస్ప్లే టెక్నాలజీ, ప్రాసెసర్, కెమెరా, దీర్ఘకాలిక సాఫ్ట్వేర్ సపోర్ట్ వంటి అంశాలతో TCL P80 సిరీస్ మార్కెట్లో పోటీని పెంచేలా కనిపిస్తోంది.
