- ఏపీపై అక్వాన్ తుఫాన్ పంజా..
- మూడు రోజుల పాటు స్కూళ్లు బంద్
- ఒడిశా వైపు తుఫాన్ పయనం..
- గంటకు 110 కి.మీ వేగంతో గాలులు
మరోవైపు తుఫాన్ ప్రభావంతో ఏపీలోని పలు జిల్లాల్లో భారీ వర్షాలు కురిసే అవకాశం ఉంది. శ్రీకాకుళం, విజయనగరం, పార్వతీపురం మన్యం, అల్లూరి, విశాఖపట్నం, అనకాపల్లి, కాకినాడ ప్రాంతాలపై ప్రభావం ఎక్కువగా ఉండొచ్చని వాతావరణ శాఖ తెలిపింది. ముఖ్యంగా నవంబర్ 19, 20 తేదీల్లో ఉత్తరాంధ్ర జిల్లాల్లో అతి భారీ వర్షాలు కురిసే అవకాశం ఉందని హెచ్చరించింది.
స్కూళ్లు, అంగన్వాడీలకు సెలవులు.. :
తుఫాన్ ముప్పును దృష్టిలో పెట్టుకుని అధికారులు ముందస్తు చర్యలు చేపట్టారు. ప్రభావిత ప్రాంతాల్లో పాఠశాలలు, అంగన్వాడీ కేంద్రాలకు సెలవులు ప్రకటించారు. కొన్ని జిల్లాల్లో 3 రోజుల పాటు విద్యాసంస్థలకు సెలవులు ఇచ్చినట్లు సమాచారం.. అయితే, ఆయా ప్రాంతాల్లో సెలవుల వివరాలను స్థానిక అధికారుల ప్రకటనల ద్వారా నిర్ధారించుకోవాలి.
ఇక మత్స్యకారులు సముద్రంలోకి వేటకు వెళ్లొద్దని అధికారులు స్పష్టం చేశారు. రైతులు కూడా పంటల విషయంలో జాగ్రత్తలు తీసుకోవాలని సూచించారు. వర్షాలు, బలమైన ఈదురుగాలుల నేపథ్యంలో అత్యవసరమైతే తప్ప బయటకు వెళ్లకుండా సురక్షిత ప్రాంతాల్లో ఉండాలని ప్రజలకు విజ్ఞప్తి చేస్తున్నారు..

