అక్వాన్ తుఫాన్ దిశ మార్పు.. తెలంగాణకు వర్షగండం! ఆ రోజు నుంచి భారీ వానలు?

Must read

  • బంగాళాఖాతంలో బలపడిన అక్వాన్..
  • ఏపీకి భారీ ముప్పు, తెలంగాణలోనూ వానలు
  • నవంబర్ 19 నుంచి తెలుగు రాష్ట్రాల్లో వర్షాలు

వాతావరణ శాఖ అంచనాల ప్రకారం.. నవంబర్ 20 మధ్యాహ్నం మచిలీపట్నం, పూరి మధ్య ఉత్తరాంధ్ర, యానాం, దక్షిణ ఒడిశా తీర ప్రాంతాల మీదుగా తీవ్ర తుఫానుగా తీరం దాటే అవకాశం ఉంది. ఆ సమయంలో గంటకు 90 నుంచి 100 కిలోమీటర్ల వేగంతో గాలులు వీచే ప్రమాదం ఉంది. గరిష్టంగా 110 కిలోమీటర్ల వేగంతో ఈదురుగాలులు వీచే అవకాశం ఉందని అంచనా..

తెలంగాణలో వర్షాలు ఎప్పటినుంచి? :
అక్వాన్ ప్రభావంతో తెలంగాణలోనూ వాతావరణం మారనుంది. నవంబర్ 18న రాష్ట్రవ్యాప్తంగా పొడి వాతావరణం ఉండే అవకాశం ఉంది. అయితే, నవంబర్ 19, 20 తేదీల్లో అక్కడక్కడ తేలికపాటి నుంచి మోస్తరు వర్షాలు కురిసే సూచనలు కనిపిస్తున్నాయి..

ముఖ్యంగా నవంబర్ 20న తూర్పు తెలంగాణలోని ఒకటి రెండు జిల్లాల్లో భారీ వర్షాలు కురిసే అవకాశం ఉందని వాతావరణ శాఖ తెలిపింది. కొన్ని ప్రాంతాల్లో ఉరుములు, మెరుపులతో పాటు గంటకు 30 నుంచి 40 కిలోమీటర్ల వేగంతో ఈదురుగాలులు వీచే అవకాశం ఉంది..

ఏపీ ప్రజలు అప్రమత్తం :
అక్వాన్ తుఫాన్ ప్రభావం ఆంధ్రప్రదేశ్‌పై ఎక్కువగా ఉండే అవకాశం కనిపిస్తోంది. ముఖ్యంగా తీర ప్రాంత ప్రజలు అప్రమత్తంగా ఉండాలి. భారీ వర్షాలు, బలమైన గాలుల నేపథ్యంలో అధికారులు సూచించే జాగ్రత్తలు తప్పనిసరిగా పాటించాలి. మత్స్యకారులు సముద్రంలోకి వెళ్లే విషయంలో జాగ్రత్తగా ఉండాలని సూచిస్తున్నారు.

- Advertisement -spot_img

More articles

spot_img

Latest article

error: Content is protected !!