IND vs NZ : ఐదు మ్యాచ్‌ల టీ20 సిరీస్‌లో భాగంగా మంగ‌ళ‌వారం (అక్టోబ‌ర్ 27న) భారత్, న్యూజిలాండ్ జ‌ట్ల మ‌ధ్య వెల్లింగ్టన్ వేదిక‌గా మూడో టీ20 మ్యాచ్ జ‌ర‌గ‌నుంది. మొద‌టి రెండు టీ20 మ్యాచ్‌ల్లో విజ‌యం సాధించిన భారత్ ప్ర‌స్తుతం సిరీస్‌లో 2-0 ఆధిక్యంలో ఉంది.
ఈ నేప‌థ్యంలో మూడో టీ20 మ్యాచ్‌లోనూ విజ‌యం సాధించి.. మ‌రో రెండు మ్యాచ్‌లు మిగిలి ఉండ‌గానే సిరీస్‌ను సొంతం చేసుకోవాల‌ని భారత్ భావిస్తోంది. అదే స‌మ‌యంలో వెల్లింగ్ట‌న్‌లో గెలిచి సిరీస్‌లో భారత్ ఆధిక్యాన్ని త‌గ్గించాల‌ని న్యూజిలాండ్ ప‌ట్టుద‌ల‌గా ఉంది. ఈ క్ర‌మంలో మూడో టీ20 మ్యాచ్ హోరా హోరీగా సాగే అవ‌కాశం ఉంది.
తొలి టీ20 మ్యాచ్‌లో గాయ‌ప‌డిన ఇషాన్ కిష‌న్ మూడో టీ20 మ్యాచ్‌కు సైతం దూరం అయ్యాడు. ఈ క్ర‌మంలో మ‌రోసారి తుది జ‌ట్టులో వైభ‌వ్ సూర్య‌వంశీ ఆడే అవ‌కాశం ఉంది. ఇక రీ ఎంట్రీలో ఇప్ప‌టి వ‌ర‌కు చెప్పుకోద‌గ్గ ప్ర‌ద‌ర్శ‌న చేయ‌లేక‌పోతున్న భువనేశ్వ‌ర్ కుమార్ ఈ మ్యాచ్‌లో ల‌య అందుకోవాల‌ని జ‌ట్టు మేనేజ్‌మెంట్ ఆశిస్తోంది.
జియోలో రాదు.. ఎక్క‌డ చూడొచ్చంటే?
భారత్, న్యూజిలాండ్ టీ20 సిరీస్‌లోని మ్యాచ్‌లు జియో హాట్‌స్టార్‌లో రావు. ఈ సిరీస్ ప్ర‌సార హ‌క్కుల‌ను సోనీ నెట్‌వ‌ర్క్ క‌లిగి ఉంది. ఈ క్ర‌మంలో టీవీల్లో మ్యాచ్‌లు సోనీ స్పోర్ట్స్‌లో ప్ర‌త్య‌క్ష ప్ర‌సారం కానున్నాయి. ఓటీటీలో అయితే.. సోనీ లివ్ యాప్‌, వెబ్‌సైట్‌లో స్ట్రీమింగ్ కానున్నాయి.
