Home Blog

తెలంగాణ ఆర్టీసీ బంపర్ ఆఫర్

దేశం మొత్తం ‘ఆజాదీ కా అమృత్ మహోత్సవ్’ జరుపుకుంటున్న వేళ తెలంగాణ ఆర్టీసీ అద్భుతమైన ఆఫర్ ప్రకటించింది. ఆగస్టు 15న పుట్టిన చిన్నారులందరికీ వారికి 12 సంవత్సరాలు వచ్చే వరకు అన్ని సిటీ బస్సుల్లో ఉచిత ప్రయాణం కల్పిస్తున్నట్టు ప్రకటించింది. అలాగే 75 సంవత్సరాలు పూర్తి చేసుకున్న వృద్ధులకు ఆగస్టు 15న ఉచిత ప్రయాణ సౌకర్యం కల్పిస్తున్నట్టు పేర్కొంది. అంతేకాదు, రూ.120 టీ24 బస్‌ టికెట్‌ను ఆగస్టు 15న రూ.75కే విక్రయించనున్నట్టు వివరించింది. 

అలాగే, ఈ నెల 10వ తేదీ నుంచి 21వ తేదీ వరకు వివిధ కార్యక్రమాలను ఏర్పాటు చేసింది. ఇందులో భాగంగా నేటి నుంచి ఆర్టీసీకి చెందిన అన్ని ప్రాంతాల్లోనూ రోజూ ఉదయం 11 గంటలకు జాతీయ గీతాన్ని ఆలపించనున్నట్టు తెలిపింది. ఆగస్టు 13 నుంచి 15వ తేదీ వరకు ఆర్టీసీ బస్సుల్లో జాతీయ పతాకాన్ని ఏర్పాటు చేయనుంది. ఉద్యోగులందరూ ‘ఆజాదీ కా అమృత్ మహోత్సవ్’ బ్యాడ్జీలతోనే విధులకు హాజరవుతారు. వీటితోపాటు మరిన్ని ఆఫర్లను కూడా టీఎస్ఆర్టీసీ ప్రకటించింది. ఈ మేరకు ఆర్టీసీ చైర్మన్ బాజిరెడ్డి గోవర్ధన్‌రెడ్డి, ఎండీ వీసీ సజ్జనార్ తెలిపారు

బీజేపీ లో చేరిన దాసోజు శ్రవణ్

బిజేపీ తెలంగాణ రాష్ట్ర వ్యవహారాల ఇన్‌చార్జీ తరుణ్‌ చుగ్‌, కేంద్ర మంత్రి కిషన్ రెడ్డి , రాజ్యసభ సభ్యులు, బీజేపీ జాతీయ ఓబీసీ చైర్మన్ లక్ష్మణ్, బిజెపి జాతీయ ప్రధాన కార్యదర్శి   మురళిధర్ రావు, బిజెపి పార్లమెంట్ కార్యాలయ కార్యదర్శి బాలసుబ్రహ్మణ్యం, మాజీ ఎంపీ జాతీయ కార్యవర్గ సభ్యులు వివేక్ సమక్షంలో భారతీయ జనతాపార్టీలో చేరిన దాసోజు శ్రవణ్.

*1500వందల మంది బిడ్డల రక్త తర్పణం తర్వాత అనేక మంది పోరాటాల, లాఠీ దెబ్బలు తిన్న తర్వాత రాష్ట్రాన్ని సాకారం చేసుకున్నాం. తెలంగాణ వస్తే సబ్బండ వర్గాలకు మేలు జరుగుతుందనే గొప్ప విశ్వాసం ఉద్యమం చేశాం. కానీ దురదృష్టవశాత్తు కోట్లాది తెచ్చుకున్న తెలంగాణ దుర్మార్గులపాలైయింది. 

*అరవై ఏళ్లలో 60 వేల కోట్లు అప్పువుంటే కేవలం ఎనిమిదేళ్ళలో 4 లక్షల కోట్లు అప్పు చేసిన భవిష్యత్ లో పుట్టబోయే తెలంగాణ బిడ్డలపై కూడా అప్పు మోపి రాష్ట్రాన్ని అప్పులు కుప్పగా మార్చేచేసిన నీచమైన పాలన తెలంగాణలో సాగుతోంది 

*అప్పుల రాష్ట్రంగా మార్చిన కేసీఆర్ మేడి పండు అభివృద్దిని చూపించి ప్రజలని బ్రాంతికి గురి చేస్తున్నారు

*నీళ్ళు, నిధులు, నియామకాలు,  ఆత్మ గౌరవం నినాదంతో తెలంగాణ ఉద్యమం మొదలైయింది. కానీ నేడు ఉద్యమ లక్ష్యాలని తూట్లు పొడుస్తూ కేసీఆర్ అరాచర పాలన చేస్తున్నారు.

*పాలమూరు, మెట్టెంపాడు, భీమా, కల్వకుర్తి, దిండి, ఎస్ఎల్ బీసి ఇలా ఒక్క ప్రాజెక్ట్ కూడా పూర్తి కాలేదు. పూర్తయినట్లు కనిపిస్తున్న ప్రాజెక్ట్ కాళేశ్వరం. 35 వేల కోట్ల రుపాయిలతో పూర్తి కావాల్సిన ప్రాజెక్ట్ 1లక్షా 50 వేల కోట్లుకి తీసుకెళ్ళి .. కాళేశ్వరంని  కేసిఆర్ కు కమీశనేశ్వరంగా మార్చేశారు.

 *బిస్వాల్ కమిటీ లక్షా 91వేల ఉద్యోగాలు వున్నాయని చెప్పిన తర్వాత కూడా 80 వేల ఉద్యోగాలు మాత్రమే నియమిస్తామని చెప్పి వాటిని కూడా పూర్తి స్థాయిలో భర్తీ చేయకుండా నోటీఫీకేషన్లు ఇవ్వకుండా నిరుద్యోగుల పాలిత శాపంగా మారారు 

*బీఎస్, ఎస్సి, ఎస్టీ , మైనారిటీ కార్పోరేషన్స్ లో లక్షల కొద్ది అప్లికేషన్ లు మూలుగుతున్న ఒక్కరికి లోన్ లు ఇవ్వలేదు. తెలంగాణలో 40 లక్షల మంది చదువుకున్న యువత బిచ్చగాళ్ళుగా మారిపోయిన దారుణమైన పరిస్థితి తీసుకొచ్చారు కేసీఆర్

* 25 వేల టీచర్ పోస్టులు ఖాళీగా వున్నా భర్తీ చేయడం లేదు. బాసర లాంటి ప్రతిష్టాత్మక సంస్థలోనే బోధన సిబ్బంది లేదు. నాలుగు వేల ప్రభుత్వ స్కూల్స్ ని మూసేశారు. స్కూల్స్ లో వసతులు లేవు. కార్పోరేట్ విద్య సంస్థల ఆగడాలని అడిగే నాధుడు లేడు.

* వైద్య వ్యవస్థని నాశనం చేశారు. ఆరోగ్య శ్రీ లేదు. 108 లేదు. వైద్యుల నియామకాలు లేవు. ప్రధాని నరేంద్ర మోడీ ప్రవేశ పెట్టిన అయుష్మాన్ భవ లాంటి పధకం ని కూడా అమలు చేయకుండా తెలంగాణ పాలిట శాపంగా మారారు

*అవినీతి రహిత పాలన చేసుకోవాలనే లక్ష్యంగా తెలంగాణ ఉద్యమం జరిగింది. కానీ నేడు టీఆర్ఎస్ అవినీతి ఏ స్థాయిలో వుందంటే.. తెల్ల రేషన్ కార్డ్ వున్న టీఆర్ఎస్ ఎమ్మెల్యేలు, నాయకులు  నేడు కోట్ల రూపాయిలు అవినీతిగా సంపాయించుకొని కార్లు బంగ్లాలు, ప్యాలెసులతో అవినీతి బకాసురులుగా మారిపోయారు. 

*సంక్షేమ కార్యక్రమాలు అమలు చేస్తున్నామని చెబుతూనే.. తెలంగాణలోని ప్రతి పల్లెలో బెల్టు షాపులు పెట్టి తాగుబోతుల తెలంగాణగా మర్చి పేదల రక్తాన్ని జలగల్లా పీల్చుకుతింటున్నారు.

*తెలంగాణలో అవినీతి ఏ స్థాయిలో పెరిగిందని చోకోటి ప్రవీణ్ ఉదంతం నిదర్శనం. టీఆర్ఎస్ నాయకులు అతడిని భుజాన వేసుకొని నడుస్తున్నారు. ఇంతకంటే సిగ్గు చేటు లేదు. 

”పదేళ్ళుగా అవినీతి పాలన చేసిన కేసీఆర్ పనైపోయింది. తెలంగాణ అధికార మార్పిడి జరిగి, కేసీఆర్ గద్దె దిగాల్సిన చారిత్రాత్మ అవసరం వుంది. కేసీఆర్ ని గద్దె దించుతూ నిస్వార్ధమైన యోగి నరేంద్రమోడీ నేతృత్వంలో పని చేస్తున్న భారతీయ జనతా పార్టీ ప్రభుత్వాన్ని తెస్తూ .. ప్రో. జయశంకర్ తో పాటు అమరవీరుల త్యాగాలని పోరాటాలని సఫలీకృతం చేసేరీతిలో సబ్బండ వర్గాలు సామాజిక న్యాయం, ప్రజాస్వామిక తెలంగాణ నిర్మించే రీతిలో భారతీయ జనతా పార్టీ కార్యకర్తగా పని చేస్తాను.” అని పేర్కొన్నారు తెలంగాణ ఉద్యమకారుడు, మాజీ ఏఐసిసి జాతీయ అధికార ప్రతినిధి డా. దాసోజు శ్రవణ్.

ఢిల్లీలో బీజేపీ తెలంగాణ రాష్ట్ర వ్యవహారాల ఇన్‌చార్జీ తరుణ్‌ చుగ్‌, కేంద్ర మంత్రి  కిషన్ రెడ్డి , రాజ్యసభ సభ్యులు, బీజేపీ జాతీయ ఓబీసీ చైర్మన్ లక్ష్మణ్ , మధ్య ప్రదేశ్ ఇంచార్జ్   మురళిధర్ రావు, బిజెపి పార్లమెంట్ కార్యాలయ కార్యదర్శి బాలసుబ్రహ్మణ్యం, మాజీ ఎంపీ జాతీయ కార్యవర్గ సభ్యులు  వివేక్ సమక్షంలో భారతీయ జనతాపార్టీలో చేరారు దాసోజు శ్రవణ్. కేంద్ర మంత్రి కిషన్ రెడ్డి, వివేక్ కండువా కప్పి దాసోజు శ్రావణ్ ను పార్టీలోకి ఆహ్వానించారు. దాసోజు శ్రావణ్ కు తరుణ్ చుగ్ పార్టీ సభత్వం ఇచ్చారు. శ్రవణ్ తోపాటు ఆయన మద్దతదారులు పలువురు బీజేపీలో చేరారు.

ఈ సందర్భంగా డా. దాసోజు శ్రవణ్ మాట్లాడుతూ.. నరేంద్ర మోడీ నాయకత్వంలోని భారతీయ జనతాపార్టీ సిద్దాంతాలని బలంగా తెలంగాణ వ్యాప్తంగా తీసుకెళ్లడానికి వెసులుబాటు కల్పిస్తూ నన్ను ఎంతో ఆప్యాయంగా పార్టీలోకి ఆహ్వానించిన తెలంగాణ రాష్ట్ర వ్యవహారాల ఇన్‌చార్జీ తరుణ్‌ చుగ్‌, కేంద్రమంత్రి కిషన్ రెడ్డి, ఎంపీ బండి సంజయ్ , మాజీ ఎంపీ వివేక్, బిజెపి జాతీయ ప్రధాన కార్యదర్శి   మురళిధర్ రావు గారికి కృతజ్ఞతలు తెలియజేస్తున్నాను. అలాగే నేను బిజెపిలోకి రావాలని కోరుకున్న వారు, వచ్చిన తర్వాత  శుభాకాంక్షలు తెలియసేసిన వారందరికీ కృతజ్ఞతలు. ఆర్ఎస్ఎస్ స్వయం సేవక్ గా పని చేశాను. తర్వాత విద్యార్ధి పరిషత్ కార్యకర్తగా ఆర్ట్స్ కాలేజీ జనరల్ సెక్రటరిగా పని చేశాను.  సొంత ఇంటికి వచ్చిన భావనతో భారతీయ జనతాపార్టీలో  చేరుతున్నాను” అన్నారు 

” తెలంగాణ రాష్ట్రం అశామాసీ రాష్ట్రం కాదు. 1500వందల మంది బిడ్డల రక్త తర్పణం తర్వాత అనేక మంది పోరాటాల, లాఠీ దెబ్బలు తిన్న తర్వాత రాష్ట్రాన్ని సాకారం చేసుకున్నాం. తెలంగాణ వస్తే సబ్బండ వర్గాలకు మేలు జరుగుతుందనే గొప్ప విశ్వాసం ఉద్యమం చేశాం. కానీ దురదృష్టవశాత్తు కోట్లాది తెచ్చుకున్న తెలంగాణ దుర్మార్గులపాలైయింది. ధనిక రాష్ట్రంగా ఏర్పడిన తెలంగాణ నేడు అప్పుల రాష్ట్రంగా మారింది. అరవై ఏళ్లలో 60 వేల కోట్లు అప్పువుంటే కేవలం ఎనిమిదేళ్ళలో 4 లక్షల కోట్లు అప్పు చేసిన భవిష్యత్ లో పుట్టబోయే తెలంగాణ బిడ్డలపై కూడా అప్పు మోపి రాష్ట్రాన్ని అప్పులు కుప్పగా మార్చేచేసిన నీచమైన పాలన తెలంగాణలో సాగుతోంది. అప్పుల రాష్ట్రంగా మార్చిన కేసీఆర్ మేడి పండు అభివృద్దిని చూపించి ప్రజలని బ్రాంతికి గురి చేస్తున్నారు.” అన్నారు 

”నీళ్ళు, నిధులు, నియామకాలు,  ఆత్మ గౌరవం నినాదంతో తెలంగాణ ఉద్యమం మొదలైయింది. కానీ ఇవాళ పాలమూరు, మెట్టెంపాడు, భీమా, కల్వకుర్తి, దిండి, ఎస్ఎల్ బీసి ఇలా ఒక్క ప్రాజెక్ట్ కూడా పూర్తి కాలేదు. పూర్తయినట్లు కనిపిస్తున్న ప్రాజెక్ట్ కాళేశ్వరం. 35 వేల కోట్ల రుపాయిలతో పూర్తి కావాల్సిన ప్రాజెక్ట్ 1లక్షా 50 వేల కోట్లుకి తీసుకెళ్ళి .. కాళేశ్వరంని  కేసిఆర్ కు కమీశనేశ్వరంగా మార్చేశారు. నిధులు విషయానికి వస్తే రాష్ట్రాన్ని అప్పులపాల్జేసి జీతాలు, పెన్షన్లు ఇవ్వాలని దుర్భర పరిస్థితికి తీసుకొచ్చి ఉద్యమ లక్ష్యాన్ని దెబ్బతీశారు. బిస్వాల్ కమిటీ లక్షా 91వేల ఉద్యోగాలు వున్నాయని చెప్పిన తర్వాత కూడా 80 వేల ఉద్యోగాలు మాత్రమే నియమిస్తామని చెప్పి వాటిని కూడా పూర్తి స్థాయిలో భర్తీ చేయకుండా నోటీఫీకేషన్లు ఇవ్వకుండా నిరుద్యోగుల పాలిత శాపంగా మారింది కేసీఆర్ ప్రభుత్వం. ప్రైవేట్ ఉద్యోగాలు లేవు, టీఎస్ ఐపాస్ తో 16 లక్షల ఉద్యోగాలు ఇచ్చామని అబద్దాలు చెబుతున్నారు. స్కిల్ డెవలప్మెంట్ లేదు, బీఎస్, ఎస్సి, ఎస్టీ , మైనారిటీ కార్పోరేషన్స్ లో లక్షల కొద్ది అప్లికేషన్ లు మూలుగుతున్న ఒక్కరికి లోన్ లు ఇవ్వలేదు. తెలంగాణలో 40 లక్షల మంది చదువుకున్న యువత బిచ్చగాళ్ళుగా మారిపోయిన దారుణమైన పరిస్థితి తీసుకొచ్చారు కేసీఆర్. చాలా మంది ఆత్మనూన్యత భావానికి లోనై ఆత్మహత్యలు చేసుకునే పరిస్థితి నెలకొనడం అత్యంత బాధాకరం. ఆత్మగౌరవం లేకుండా ప్రజస్వామం పక్కన పెట్టిన నిరంకుశ పాలన చేస్తూ తెలంగాణ పోలీసు రాజ్యంగా మార్చారు.” అని విమర్శించారు. 

విద్య వ్యవస్థ సర్వ నాశనం చేశారు. 25 వేల టీచర్ పోస్టులు ఖాళీగా వున్నా భర్తీ చేయడం లేదు. బాసర లాంటి ప్రతిష్టాత్మక సంస్థలోనే బోధన సిబ్బంది లేదు. కేసీఆర్,  కేటీఆర్ వారి పిల్లలని సిబ్బంది లేని చోట చదివిస్తారా ? నాలుగు వేల ప్రభుత్వ స్కూల్స్ ని మూసేశారు. స్కూల్స్ లో వసతులు లేవు. కార్పోరేట్ విద్య సంస్థల ఆగడాలని అడిగే నాధుడు లేడు. ఫీజు రీఅంబర్స్ మెంట్ లేదు. పేద, మధ్య తరగుల నడ్డి విరిచి కనీసం చదువుకునే అవకాశం కూడా కల్పించడం లేదు కేసీఆర్. వైద్య వ్యవస్థని నాశనం చేశారు. ఆరోగ్య శ్రీ లేదు. వైద్యుల నియామకాలు లేవు. ప్రధాని నరేంద్ర మోడీ ప్రవేశ పెట్టిన అయుష్మాన్ భవ లాంటి పధకం ని కూడా అమలు చేయకుండా తెలంగాణ పాలిట శాపంగా మారారు కేసీఆర్.” అని పేర్కొన్నారు. 

సంక్షేమ కార్యక్రమాలు అమలు చేస్తున్నామని చెబుతూనే.. తెలంగాణలోని ప్రతి పల్లెలో బెల్టు షాపులు పెట్టి తెలంగాణని తాగుబోతుల తెలంగాణగా మర్చి పేదల రక్తాన్ని జలగల్లా పీల్చుకుతింటున్నారు. అవినీతి రహిత పాలన చేసుకోవాలనే లక్ష్యంగా తెలంగాణ ఉద్యమం జరిగింది. కానీ నేడు టీఆర్ఎస్ అవినీతి ఏ స్థాయిలో వుందంటే.. తెల్ల రేషన్ కార్డ్ వున్న టీఆర్ఎస్ ఎమ్మెల్యేలు నేడు కోట్ల రూపాయిలు అవినీతిగా సంపాయించుకొని కార్లు బంగ్లాలు, ప్యాలెసులతో అవినీతి బకాసురులుగా మారిపోయారు. తెలంగాణలో అవినీతి ఏ స్థాయిలో పెరిగిందని చోకోటి ప్రవీణ్ ఉదంతం నిదర్శనం. టీఆర్ఎస్ నాయకులు అతడిని భుజాన వేసుకొని నడుస్తున్నారు. ఇంతకంటే సిగ్గు చేటు లేదు.” అని విమర్శించారు. 

మాజీ ఎంపీ వివేక్ మాట్లాడుతూ.. దాసోజు శ్రవణ తెలంగాణ సాధనలో కీలక పాత్ర పోషించారు. తెలంగాణ వస్తే ప్రజల బ్రతుకులు మొరుగౌతాయని అలుపెరుగని ఉద్యమం చేశారు. కేసీఆర్ ఉద్యమకారులందరినీ పక్కన పెట్టేశారు. ఆయన కేబినేట్ లో అందరూ బయట నుండి వచ్చిన వాళ్ళే. ఎంతో మంచి వ్యక్తి, మేధావి వర్గానికి చెందిన దాసోజు శ్రవణ్ ని కూడా కేసీఆర్ పక్కన పెట్టారు. శ్రవణ్ కాంగ్రెస్ పార్టీలో చేరిన తర్వాత కూడా అద్భుతంగా పని చేశారు,  గొప్ప వ్యక్తిత్వం, కష్టపడే గుణం, పరిజ్ఞానం వున్న శ్రవణ్ లాంటి నాయకులు బిజెపిలోకి రావడం బిజెపి బలం చేకూరినట్లయింది. శ్రవణ్ ఆర్ఎస్ఎస్, ఏబీవీపీలో పని చేసిన అనుభవం వుంది. బిజెపి ని ఎలా అధికారంలోకి తీసుకురావాలనే ఆలోచన ఆయనలో వుంటుంది. శ్రవణ్ బిజేపిలోకి రావడం ఖచ్చితంగా అదనపు బలం చేకూరినట్లయింది” అన్నారు.

డా. దాసోజు శ్రవణ్ తో పాటు దాసోజు రవిచందర్, శ్రీనివాస్ ఆచార్య, కాంగ్రెస్ పార్టీ జనరల్ సెక్రటరీ ముంజాగల్ల విజయ కుమార్,డిడి ఎజ్రా శాస్త్రి, పీటర్ నే్లీష్టల్, మధు కుమార్ బొడ్డుపల్లి, బి.అంజయ్య, అనీష్ గంగపుత్ర యువజన కాంగ్రెస్ నాయకులు బిజెపిలో చేరారు.

షహీద్ సుఖ్ దేవ్ కు లూథియానా లో డా. గజల్ శ్రీనివాస్ గాన నీరాజనం

పంజాబ్: అజాదీక అమృత మహోత్సవం లో భాగంగా షహీద్ సుఖ్ దేవ్ కు లూథియానా , పంజాబ్ లో 31 జూలై 2022 న గురు నానక్ ఆడిటోరియంలో ఉదయం 10 గంటలకు జరిగే ప్రత్యేక కార్యక్రమంలో ప్రఖ్యాత గజల్ గాయకుడు డా. గజల్ శ్రీనివాస్ ప్రత్యేక గీతం తో నివాళి ఇవ్వనున్నారు

ముఖ్య అతిధి గా కేంద్ర సాంస్కృతిక శాఖ సహాయ మంత్రి శ్రీమతి మీనాక్షి లేఖి విచ్చేయనున్నారని ,
శ్రీ ఝాన్సీ లక్ష్మీ భాయ్, శ్రీ తాంతియా తోపే, శ్రీ మంగళ్ పాండే, శ్రీ భగత్ సింగ్, శ్రీ ఆష్ఫకుల్లా ఖాన్, శ్రీ రాజగురు, శ్రీ నేతాజీ సుభాష్ చంద్ర బోస్, శ్రీ రాజ్ త్రిపాఠి, శ్రీ లాలా లజపతి రాయ్, శ్రీ గోవింద్ గురు , శ్రీచంద్ర శేఖర్ ఆజాద్, కెప్టెన్ పూల్ సింగ్, శ్రీ ఠాకూర్ దుర్గా సింగ్, శ్రీ వీర్ సావర్కర్ మొదలగు షహీద్ కుటుంబ సభ్యులు గౌరవ అతిధులుగా పాల్గొననున్నారని కార్యక్రమ సంచాలకులు షహీద్ సుఖ్ దేవ్ మనుమడు శ్రీ విశాల్ నయ్యర్ సుఖ్ దేవ్ తెలిపారు.

కొత్త లుక్ లో మంత్రి రోజా

ఆటోవాలా అవతారమెత్తారు ఏపీ మంత్రి రోజా. తిరుపతిలో వాహన మిత్ర పథకం కింద లబ్దిదారులకు చెక్కులు పంపిణీ చేసిన మంత్రి రోజా.. ఖాకీ షర్ట్ ధరించి ఆటో నడిపారు. ఆటోలో ఎంపీ గురుమూర్తితో పాటు ఆటో నడిపే మహిళలు ఉన్నారు.

ఏపీ మంత్రి రోజా.. ఆటోవాలా అవతారం ఎత్తారు. కాకీ షర్ట్ ధరించి.. ఎంపీ గురుమూర్తిని ఎక్కించుకొని ఆటో నడిపారు. ఆటోవాలా మాదిరిగా ఖాకీ చొక్కా వేసుకొని రయ్ రయ్ మంటూ దూసుకెళ్లారు. ఎంతో అనుభవమున్న ఆటో డ్రైవర్ మాదిరిగా పరుగులు పెట్టించారు రోజా. ఈ సీన్ అక్కడున్న వారిని ఆకట్టుకుంది. ర‌వాణా రంగంలో స్వయం ఉపాధిని ప్రోత్సహించేందుకు ఉద్దేశించిన వైఎస్సార్ వాహ‌న మిత్ర ప‌థ‌కాన్ని ఏపీ సీఎం వైఎస్ జ‌గ‌న్ రెండోసారి ప్రారంభించారు. తిరుప‌తిలో ఈ కార్యక్రమం ప్రారంభ‌మ‌యింది. వాహన మిత్ర పథకం కింద లబ్దిదారులకు మంత్రి రోజా చెక్కులు పంపిణీ చేశారు. మహిళా ఆటో డ్రైవర్లకు మంత్రి స్ఫూర్తినిచ్చారు. జ‌గ‌న్ ప్రభుత్వం ప్రజ‌ల ప్రభుత్వమ‌ని ఆమె కొనియాడారు. ఈ సందర్భంగా మాట్లాడిన మంత్రి రోజా.. ఆటో డ్రైవర్ల పిల్లలు కూడా మంచి చదువులు చదవాలన్నారు. వాహనమిత్ర కింద.. ఆటో డ్రైవర్లకు నాలుగు విడుతలుగా ఒక్కొక్కరికీ రూ.40వేలు జమ చేసినట్లు తెలిపారు మంత్రి రోజా.

వరద నీటిలో మంత్రి వేణు పడవ ప్రయాణం..

గోదావరి ముంపు ప్రాంతాల్లో విస్తృతంగా సహాయక చర్యలను ప్రభుత్వం చేపట్టింది. కోటిపల్లిలో ముంపునకు గురైన ప్రాంతాల్లో స్వయంగా పడవలో వెళ్లి బాధితులకు బియ్యం, కందిపప్పును మంత్రి వేణుగోపాలకృష్ణ అందించారు. రామచంద్రాపురం నియోజకవర్గ పరిధిలో కే గంగవరం మండలంలో పలు లంకలు, కోటిపల్లి ప్రాంతాల్లో వరద నీరు పోటెత్తింది. లంకలతో పాటు గ్రామాల్లో లోతట్టు ప్రాంతాల్లోకి వరదనీరు చేరింది. ఇళ్ల మధ్యకు వరద నీరు చేరుకోవడంతో పడవలపైన రాకపోకలు సాగించాల్సిన పరిస్థితి ఏర్పడింది. ఆరడుగుల మేర వరద నీరు నిలిచిపోవడంతో పాటు సమీపంలోనే గౌతమి గోదావరి ఉండటంతో మరో రెండు మూడు రోజులు పాటు ఇబ్బందులు తప్పేలా లేవని స్థానికులు చెబుతున్నారు. దీంతో మంత్రి వేణు గోపాల కృష్ణ పడవలో వెళ్లి కోటిపల్లిలోని వరద బాధితులకు బియ్యం, పప్పు అందించారు. అత్యవసర మందులు, తాగునీరు, కిరోసిన్ అందుబాటులో ఉంచామన్నారు. వరద ప్రభావిత ప్రాంతాల్లో అధికారులు పెద్ద ఎత్తున సహాయక చర్యలు అందిస్తున్నామని మంత్రి వేణు తెలిపారు.

ప్రత్యేక ఆకర్షణగా మంత్రి శ్రీనివాస్ యాదవ్ డ్యాన్స్

సికింద్రాబాద్ మహంకాళి అమ్మవారి ముఖ ద్వారాలు పండుగ వాతావరణంలో ప్రారంభమయ్యాయి.

మహంకాళి అమ్మవారికి మంత్రి శ్రీనివాస్ యాదవ్ కుటుంబ సభ్యులు బంగారు బోనంతో బోనం సమర్పించారు. ఈ కార్యక్రమంలో మంత్రి తలసాని డ్యాన్స్ ప్రత్యేక ఆకర్షణగా నిలిచింది. పోతరాజుల వీరంగాల మధ్య మంత్రి తలసాని కూడా వారితో కలిసి డాన్స్ చేయడం ఇక్కడికి తరలి వచ్చిన వారు సంతోషంగా తిలకించారు. ఇందుకు సంబంధించిన దృశ్యాలు సోషల్ మీడియాలో వైరల్ అవుతున్నాయి. బోనాలతో మహిళల నృత్యాలు, పోతురాజులు, కొలాటం ప్రదర్శనలు అలరించాయి. మంత్రులు మహమూద్ అలీ, మల్లారెడ్డి, తలసాని శ్రీనివాస్ యాదవ్, చైర్మన్‌లు దూదిమెట్ల బాలరాజ్ యాదవ్, రావుల శ్రీధర్ రెడ్డి, గజ్జెల నగేష్, మేయర్ విజయలక్ష్మి, డిప్యూటీ మేయర్ శ్రీలత, పలువురు ఎమ్మెల్యేలు, ఎమ్మెల్సీలు కార్యక్రమంలో పాల్గొన్నారు.

గ్రీన్ ఇండియా ఛాలెంజ్ లో కీరవాణి


మనిషికి మొదటి గురువు నేలతల్లి అయితే రెండవ గురువు చెట్టు అన్నారు ప్రముఖ సంగీత దర్శకులు యం.యం. కీరవాణి. మౌనంగానే ఎదగమని మొక్క నీకు చెబుతుందంటూ” మొక్కల ప్రాధాన్యతను వివరించిన కీరవాణి.. “గ్రీన్ ఇండియా ఛాలెంజ్” ను సంగీతమయం చేశారు. జూబ్లీహిల్స్ లోని ప్రశాసన్ నగర్ జీహెచ్ఎమ్సీ పార్క్ లో కీరవాణి తన బృందంతో సింగర్స్ అరుణ్ కౌండిన్య,అమల చేబోలు, మోహన బోగరాజు,హైమత్ మొహమ్మద్,గోమతి, రాహుల్ సిప్లిగంజ్ కలిసి “గ్రీన్ ఇండియా ఛాలెంజ్”లో భాగంగా మొక్కలు నాటారు.

చంద్రబాబు కి చిన్నమెడదు చితికిందా.. ?

చంద్రబాబు వ్యాఖ్యల పై ఫైర్‌ అయ్యారు మంత్రి ఆర్కే రోజా.. సీఎం వైఎస్‌ జగన్మోహన్‌రెడ్డి ప్రజాదరణ కోల్పోయ్యారంటు చంద్రబాబు చెప్పడం చూస్తూంటే.. ఆయనకేమైనా చిన్న మెడదు చితికిందా..? అనే అనుమానం కలుగుతోందన్నారు రోజా.. బోగస్ సర్వేలు చేయించే చంద్రబాబుని అందరు బోగస్ బాబుగా పిలుస్తున్నారంటూ సెటైర్లు వేశారు. ఓవైపు కాంగ్రెస్‌కు మద్దతిస్తూనే.. మరోవైపు రాష్ట్రపతి ఎన్నికల్లో బీజేపీ అభ్యర్థికి మద్దతివ్వడం విషయంలో చంద్రబాబు మానసిక స్థితి అర్థమవుతోంది అన్నారు. ఇది చంద్రబాబు దిగజారుడు రాజకీయానికి నిదర్శమన్నారు.

ప్రతిపక్షాలకు మైండ్ బ్లాక్ : అంబటి రాంబాబు

వైసీపీ ప్లీనరీ విజయవంతం కావడంతో ప్రతిపక్షాల మైండ్ బ్లాక్ అయిందన్నారు మంత్రి అంబటి రాంబాబు. ఓర్వలేకే వైసీపీపై విమర్శలు చేస్తునారని మండిపడ్డారు. ఎన్నికల్లో ఇచ్చిన హామీలను నెరవేర్చిన వైసీపీని విమర్శించే అర్హత టీడీపీకి లేదన్నారు.

రేపే ‘ది వారియర్’ ప్రీ రిలీజ్ ఈవెంట్

రామ్ – లింగుసామి కాంబినేషన్లో ‘ది వారియర్’ సినిమా రూపొందింది. శ్రీనివాస చిట్టూరి నిర్మించిన ఈ సినిమాకి, దేవిశ్రీ ప్రసాద్ సంగీతాన్ని సమకూర్చాడు. తెలుగు, తమిళ భాషల్లో ఈ సినిమాను ఈ నెల 14వ తేదీన విడుదల చేయనున్నారు. తమిళంలో 28 మంది సెలబ్రిటీలను ఆహ్వానించి ఈ సినిమా ప్రీ రిలీజ్ ఈవెంట్ ను ఇటీవల ఘనంగా నిర్వహించారు.

ఇక ఇప్పుడు తెలుగు ప్రీ రిలీజ్ ఈవెంట్ ను నిర్వహించడానికి సన్నాహాలు చేస్తున్నారు. ఈ నెల 10వ తేదీన హైదరాబాద్ – జేఆర్సీ కన్వెన్షన్స్ లో ఈ వేడుకను జరపనున్నారు. ఆ రోజున సాయంత్రం 6 గంటల నుంచి ఈ వేడుక మొదలవుతుంది. ఈ విషయాన్ని అధికారిక పోస్టర్ ద్వారా తెలియజేశారు. టాలీవుడ్ నుంచి ఈ వేడుకకు ఏయే సెలబ్రిటీలు హాజరవుతారనేది చూడాలి.

ఇక ఈ సినిమాలో రామ్ సరసన నాయికగా కృతి శెట్టి అలరించనుంది. ప్రతినాయకుడిగా ఆది పినిశెట్టి నటించగా, కీలకమైన పాత్రలో నదియా కనిపించనుంది. ‘రెడ్’ ఫ్లాప్ తరువాత హిట్ కోసం వెయిట్ చేస్తున్న రామ్ కి ఈ సినిమాతో ఆ కోరిక నెరవేరుతుందేమో చూడాలి.

Latest posts

4,488FansLike
40FollowersFollow
6,941SubscribersSubscribe

Latest posts

error: Dont Copy Our Content !! To obtain a license to our content, please contact us!