ఇప్పుడు సోషల్ మీడియాలో ఎక్కడ చూసినా మా ఎలక్షన్ గురుంచి వార్తలు చూస్తున్నాం. ఎప్పుడూ లేని విధంగా వివిధ వర్గాల వారు మరొకరి పై విమర్శలు చేయడం చూస్తున్నాం,ఒకరకంగా చెప్పాలంటే నిజ రాజకీయాలను తలపిస్తున్నాయి. అయితే ఈ విషయం పై అనేక చర్చలు నడుస్తున్నాయి. అయితే తానే కాబోయే మా ప్రెసిడెంట్ అని ముందుగానే ప్రకటించేశారు ప్రముఖ నటులు కాదంబరి కిరణ్. ఈ ప్రకటనతో చాలా మంది ఆశ్చర్యానికి లోనయ్యారు.

ఇక అసలు విషయానికొస్తే కాదంబరి కిరణ్ ఒక ప్రముఖ యూట్యూబ్ ఛానెల్ కు ఇంటర్వ్యూ ఇచ్చారు. ఈ ఇంటర్వ్యూ లో మాటల సందర్భంలో మా ఎలక్షన్స్ గురుంచి విలేఖరి అడగగా తాను కూడా అధ్యక్ష పదవి బరిలో ఉన్నానని ఎంతమంది వచ్చినా కూడా గెలవబోయేది తానే అని అన్నారు. మొత్తం 900 మంది ఓటు హక్కు కలిగిన వారు ఉండగా తనకు కనీసం 300 మంది తప్పక ఓటువేస్తారని ఆశాభావం వ్యక్తం చేశారు. అయితే దీనిపై సోషల్ మీడియా లో భిన్నాభిప్రాయాలు వెలువడుతున్నాయి. కొంతమంది మనం సైతం ద్వారా ఆయన చేసిన కార్యక్రమాల దృష్ట్యా ఆయన ఖచ్చితంగా గెలుపొందాలని కోరుతుండగా మరి కొందరు బండ్ల గణేష్ 2.0 గా అభివర్ణిస్తూ గెలిచిన తర్వాత అదే ఛానెల్ కు ఇంటర్వ్యూ ఇవ్వాలని అంటున్నారు.

Subscribe
Notify of
guest
0 Comments
Inline Feedbacks
View all comments