రిలయన్స్ జియో డౌన్‌లోడ్ స్పీడ్ అక్టోబర్‌లో 1.5 ఎంబీపీఎస్ వరకు పడిపోయింది. ఈ విషయాన్ని టెలికాం రెగ్యులేటరీ అథారిటీ ఆఫ్ ఇండియా(ట్రాయ్) వెల్లడించింది. అక్టోబర్‌లో జియో డౌన్‌లోడ్ స్పీడ్ 17.8 ఎంబీపీఎస్‌గా ఉంది. రెండో స్థానంలో ఉన్న ఐడియా కంటే ఇది 95 శాతం ఎక్కువ. ఐడియా డౌన్‌లోడ్ స్పీడ్ 9.1 ఎంబీపీఎస్‌గా ఉంది. అప్ లోడ్ స్పీడ్ విషయంలో కూడా జియో మెరుగు పడలేదు. అయితే వొడాఫోన్, ఐడియాలను ట్రాయ్ ప్రత్యేక టెల్కోలుగానే పరిగణిస్తోంది. ఈ రెండూ గతేడాదే కలిసిపోయాయి. సెప్టెంబర్‌లో 19.1 ఎంబీపీఎస్‌గా ఉన్న జియో డౌన్‌లోడ్ స్పీడ్, అక్టోబర్‌లో 17.8 ఎంబీపీఎస్‌కు పడిపోయింది. ఇప్పటికీ ఇంటర్నెట్ స్పీడ్‌లో జియోనే నంబర్ వన్. ఇక ఐడియా విషయానికి వస్తే.. జియో తర్వాత రెండో స్థానంలో 9.1 ఎంబీపీఎస్‌తో ఉంది. సెప్టెంబర్‌లో ఐడియా డౌన్ లోడ్ స్పీడ్ 8.6 ఎంబీపీఎస్‌గా ఉండగా, 0.5 ఎంబీపీఎస్ మెరుగు పడింది. ట్రాయ్ డేటా ప్రకారం మూడో స్థానంలో వొడాఫోన్ ఉంది. వొడాఫోన్ ఇంటర్నెట్ స్పీడ్ 8.8 ఎంబీపీఎస్‌గా ఉంది. సెప్టెంబర్‌లో వొడాఫోన్ 7.9 ఎంబీపీఎస్‌గా ఉండేది. అయితే ఇది కూడా 0.9 ఎంబీపీఎస్ వరకు పెరిగింది. ఇక 7.5 ఎంబీపీఎస్ డౌన్‌లోడ్ స్పీడ్‌తో ఎయిర్ టెల్ నాలుగో స్థానంలో ఉంది. ఎయిర్ టెల్ డౌన్‌లోడ్ స్పీడ్ రెండు నెలల నుంచి అలాగే ఉంది.

అందులో ఎటువంటి మార్పూ లేదు. అప్‌లోడ్ స్పీడ్ విషయానికి వస్తే.. వొడాఫోన్ 6.5 ఉఎంబీపీఎస్‌తో మొదటిస్థానంలో ఉంది. సెప్టెంబర్‌లో కూడా వొడాఫోన్ అప్ లోడ్ స్పీడ్ ఇలాగే ఉంది.

వొడాఫోన్, ఐడియా సగటు అప్‌లోడ్ 5.9 ఎంబీపీఎస్‌గా ఉంది. సెప్టెంబర్‌లో ఇది 6.4 ఎంబీపీఎస్‌గా ఉంది. అయితే ఎయిర్‌టెల్ అప్ లోడ్ స్పీడ్ 3.8 ఎంబీపీఎస్‌కు పెరిగింది. ఇక జియో ఈ జాబితాలో నాలుగో స్థానంలో ఉంది. జియో అప్‌లోడ్ స్పీడ్ 3.5 ఎంబీపీఎస్ వేగంతో ఉంది. మై స్పీడ్ యాప్ ద్వారా ట్రాయ్ అప్ లోడింగ్, డౌన్‌లోడింగ్ వేగాన్ని లెక్కిస్తుంది.

Subscribe
Notify of
guest
0 Comments
Inline Feedbacks
View all comments