రాష్ట్రంలోని వైసీపీ నేతలంతా కరోనా మహమ్మారి బారిన పడుతున్న విషయం తెలిసిందే. ఇప్పటికే వైసీపీ ఎంపీ విజయసాయిరెడ్డికి కరోనా పాజిటివ్‌గా నిర్ధారణ కావడంతో ఆయన హైదరాబాద్‌లోని అపోలో ఆసుపత్రిలో చికిత్స పొందుతున్నారు. ఇప్పుడు తాజాగా పార్టీ కీలక నేత, సత్తెనపల్లి ఎమ్మెల్యే అంబటి రాంబాబుకు కూడా కరోనా నిర్ధారణ అయింది. టెస్టుల్లో పాజిటివ్ అని తేలిన వెంటనే ఆయన క్వారంటైన్ లోకి వెళ్లారు. మెడికల్ ట్రీట్మెంట్ తీసుకుంటున్నారు.
గుంటూరు జిల్లాలో కరోనా బారిన పడిన మూడో ఎమ్మెల్యే అంబటి కావడం గమనార్హం. ఇప్పటికే తెనాలి ఎమ్మెల్యే శివకుమార్, పొన్నూరు ఎమ్మెల్యే వెంకట రోశయ్యలు కరోనా బారిన పడ్డారు. మరో వైపు సత్తెనపల్లి లో కరోనా కేసులు పెరుగుతుండటం తో తగు జాగ్రత్తలు తీసుకోవాలిసింది గా అధికారులను అంబటి కోరారు.

Subscribe
Notify of
guest
0 Comments
Inline Feedbacks
View all comments