వాస్త‌వ ఘ‌ట‌న‌ల ఆధారంగా సినిమాలు తీసే సంచ‌ల‌న ద‌ర్శ‌కుడిగా రామ్‌గోపాల్ వ‌ర్మ‌కు ఎంత‌టి క్రేజ్ ఉందో ప్ర‌త్యేకంగా చెప్పాల్సిన అవ‌స‌రం లేదు.. నిజ‌జీవితాల ఆధారంగా ఎన్నో వివాదాస్ప‌ద చిత్రాలు తీశారు రామ్‌గోపాల్ వ‌ర్మ‌.. అలాంటి వ‌ర్మ తాజాగా మ‌రో సంచ‌ల‌నాత్మ‌క చిత్రానికి తెర తీశారు.. తెలుగు రాష్ట్రాల్లో తీవ్ర సంచ‌లనం రేపిన ప్ర‌ణ‌య్‌, అమృత‌, మారుతీరావుల క‌థ ఆధారంగా ఓ చిత్రాన్ని తెర‌కెక్కిస్తున్న‌ట్లు వ‌ర్మ ప్రక‌టించారు.. ఆదివారం ఫాద‌ర్స్ డే సంద‌ర్భంగా నేడు ఫాదర్స్‌‌ డే సందర్భంగా ఈ విషాదగాథకు సంబంధించిన ఫస్ట్‌ లుక్‌ పోస్ట్‌ర్‌ను విడుదల చేశారు. ‘ఓ తండ్రి అమితమైన ప్రేమ.. ఓ తండ్రి తన కుమార్తె అమితంగా వల్ల కలిగే ప్రమాదం.. అమృత, మారుతిరావుల కథ ఆధారంగా తెరకెక్కుతున్న ఈ చిత్రంగా హృదయాన్ని కదిలించేలా ఉంటుంది. ఫాదర్‌ డే రోజున.. ఈ విషాద తండ్రి కథకు సంబంధించిన చిత్రం పోస్టర్‌ను లాంచ్‌ చేస్తున్నాను’ అని వర్మ పేర్కొన్నారు. ఈ చిత్రానికి మర్డర్‌ అనే టైటిల్‌ ఫిక్స్‌ చేశారు.. కుటుంబ కథా చిత్రం అనే ట్యాగ్‌ లైన్‌ ఉంచారు. రామ్‌గోపాల్‌ వర్మ సమర్పణలో వస్తున్న ఈ చిత్రానికి నట్టి కరుణ, నట్టి కరుణ క్రాంతి నిర్మాతలుగా ఉండగా.. ఆనంద్‌ చంద్ర దర్శకత్వం వహిస్తున్నారు. ఇక, మారుతి రావు పాత్రలో శ్రీకాంత్‌ అయ్యంగార్‌ నటిస్తున్నారు.

ప్రేమ వివాహం చేసుకున్న పెరుమాళ్ల ప్రణయ్ హత్యకు గురికావడం తెలుగు రాష్ట్రాల్లో సంచలనం రేపిన సంగతి తెలిసిందే. ప్రణయ్‌ భార్య అమృత తండ్రి మారుతిరావు ఈ కేసులో ప్రధాన నిందితుడిగా ఉన్నారు. అయితే ఇటీవల హైదరాబాద్‌లోని ఓ హోటల్‌ గదిలో మారుతి ఆత్మహత్య చేసుకోవడం తీవ్ర కలకలం రేపింది.. ఈ నేప‌థ్యంలో వ‌ర్మ తీస్తున్న ఈ చిత్రం మ‌రెన్ని సంచ‌ల‌నాలు న‌మోదు చేస్తుందో చూడాల్సిందే..

Subscribe
Notify of
guest
0 Comments
Inline Feedbacks
View all comments