ఆంధ్రప్రదేశ్ ప్రతిపక్ష నేత , వైసీపీ అధినేత వై ఎస్ జగన్ మోహన్ రెడ్డి పశ్చిమ గోదావరి జిల్లాలో సభలో మాట్లాడుతూ టీడీపీ నేతలు సహజ వనరులను దోచుకుంటున్నారని ఆరోపించారు . అయితే ఈ విషయం పై ఆంధ్రప్రదేశ్ మంత్రి నారా లోకేష్ ట్విట్టర్ ద్వారా స్పందించారు . ఆయన ట్వేట్ చేస్తూ “సహజ వనరులు దోచుకుంటున్నారని ఏ1 అనడం హాస్యాస్పదంగా ఉంది. అసలు ఈ రాష్ట్రంలో మీరు దోచుకోకుండా మిగిల్చింది ఏదైనా ఉందా? ఇసుక, ఖనిజాలు, సున్నపురాయి వంటి ఖనిజ సంపదలను బ్రేక్‌ ఫాస్ట్‌, లంచ్‌, డిన్నర్‌ లా మింగేశారు” అని ఎద్దేవా చేశారు. 13 ఛార్జిషీట్లలో ఆయన దోచుకున్న మెనూ మొత్తం ఉందని అన్నారు.
