ఈరోజు ఉదయం ఎన్టీఆర్ జయంతి సందర్భంగా ఎన్టీఆర్ ఘాట్ వద్ద నివాళులు అర్పించి అనంతరం మీడియా తో మోత్కుపల్లి మాట్లాడుతూ చంద్రబాబుపై తీవ్ర విమర్శలు చేసిన విషయం తెలిసినదే . దీనితో తెలుగుదేశం వర్గాలలో అలజడి మొదలయ్యింది . ఈ విషయానికి పరిణామంగా మోత్కుపల్లి నర్సింహులును టీడీపీ నుండి బహిష్కరిస్తునట్టు మహానాడు వేదికగా తెలుగుదేశం పార్టీ తెలంగాణ అధ్యక్షుడు ఎల్ . రమణ ప్రకటించారు .

ఈ సందర్భంగా రమణ మాట్లాడుతూ గత ఆరు నెలలుగా జరిగిన రాజకీయ పరిణామాలను దృష్టిలో పెట్టుకొని ఈ నిర్ణయం తీసుకున్నట్లు తెలిపారు . ఇవాళ ఎన్టీఆర్ ఘాట్ లో మోత్కుపల్లి ప్రవర్తన కుట్రపూరితంగా , పార్టీని బలహానీనపర్చేదిగా ఉందని ఆరోపించారు . మొత్కుపల్లికి గవర్నర్ పదవి కోసం సీఎం చొరవ చూపారని అయితే తమిళనాడు గవర్నర్ పదవిని కోరారన్నారు . కానీ కేంద్రం గవర్నర్ పదవి ఇవ్వలేదని తెలిపారు . నిరాధార ఆరోపణలతో టీటీడీపీని బలహీనపర్చి.. కేసీఆర్‌కు మోకరిల్లాలని చూస్తున్నారన్నారు. విపరీత ధోరణితోనే ఇదంతా చేస్తున్నారని చెప్పారు.

తెలుగుదేశంతో అనుబంధం ఉన్న నాయకుడని.. చాలా సార్లు ఆయన మాటలను పట్టించుకోలేదన్నారు. గతేడాది విజయదశమి నుంచి మొదలు పెట్టి ఇవాళ ఎన్టీఆర్ జయంతి వరకు ఆయన కార్యక్రమాలన్నీ పార్టీని పూర్తిగా బలహీనపరిచేదిగా ఉందన్నారు. ఇది మంచిపద్ధతి కాదని తెలిపారు. ఎన్టీఆర్ పార్టీ పెట్టింది సామాజిక న్యాయంకోసం.. అణగారిన వర్గాల కోసమన్న రమణ… దాన్ని కొనసాగిస్తున్న వ్యక్తి చంద్రబాబని చెప్పారు. ఇంత వరకు ఆయనలో మార్పు రాకపోయినా.. టీడీపీని లేకుండా చేయాలని చూస్తున్నారన్నారు. కేసీఆర్‌ను ఎన్టీఆర్‌తో పోల్చి చెప్పడం ఎంతవరకు సబబో మోత్కుపల్లి చెప్పాలని రమణ నిలదీశారు.
Subscribe
Notify of
guest
0 Comments
Inline Feedbacks
View all comments