డివిల్లియ‌ర్స్‌కు అనుష్క విషెస్‌!

0
421
త‌న అసామాన్య బ్యాటింగ్ విన్యాసాల‌తో ప్ర‌పంచ‌వ్యాప్తంగా ఉన్న క్రికెట్ ప్రేమికుల‌ను అల‌రించిన ద‌క్షిణాఫ్రికా దిగ్గ‌జ ఆట‌గాడు ఏబీ డివిల్లియ‌ర్స్ క్రికెట్ నుంచి వైదొలుగుతున్నానంటూ హ‌ఠాత్తుగా ప్ర‌క‌టించి అంద‌ర్నీ ఆశ్చ‌ర్య‌ప‌రిచాడు. త‌న రిటైర్మెంట్ నిర్ణ‌యాన్ని ట్విట‌ర్ ద్వారా డివిల్లియ‌ర్స్ ప్ర‌క‌టించిన సంగ‌తి తెలిసిందే.
`అంత‌ర్జాతీయ క్రికెట్ నుంచి త‌క్ష‌ణ‌మే వైదొల‌గాల‌ని నిర్ణ‌యం తీసుకున్నాను. 114 టెస్టులు, 228 వ‌న్డేలు, 78 టీ20లు ఆడాను. ఇప్పుడు వేరొక‌రు నా బాధ్య‌త‌ను తీసుకోవాల్సిన స‌మ‌యం వ‌చ్చేసింది. నిజం చెప్పాలంటే నేను అలసిపోయాను` అంటూ ఏబీ ట్వీట్ చేశాడు. దీంతో ఏబీని ప్ర‌శంసిస్తూ, అత‌నికి శుభాకాంక్ష‌లు తెలియ‌జేస్తూ సోష‌ల్ మీడియాలో విషెస్ పోటెత్తాయి. టీమిండియా కెప్టెన్ విరాట్ కోహ్లీ భార్య, బాలీవుడ్ స్టార్ హీరోయిన్ అనుష్క కూడా ట్విట‌ర్ ద్వారా ఏబీకి విషెస్ అంద‌చేసింది. `జీవితంలో మ‌న కోసం మ‌నం సాధ‌న చేయ‌డం కంటే ఇతరుల జీవితాల‌పై ప్ర‌భావం చూపేవిధంగా జీవించ‌డం ఎక్కువ అర్థ‌వంత‌మైన‌ది. మీరు ఆ రెండు ప‌నుల‌ను స‌మ‌ర్థంగా నిర్విహించారు. ఎప్పుడూ అదే స్ఫూర్తితో, ఉత్సాహంతో ముందుకెళ్లాల‌ని కోరుకుంటున్నాను. నువ్వు, డానియెల్ (ఏబీ భార్య‌) ఆనందంగా జీవించాల‌ని కోరుకుంటున్నానం`టూ అనుష్క ట్వీట్ చేసింది.

LEAVE A REPLY

Please enter your comment!
Please enter your name here