పందిపిల్లకి పళ్ళు తోముతూ …

0
100

పంది పిల్ల ప్రధాన పాత్రలో దర్శకుడు, నటుడు రవిబాబు విభిన్న కథతో ‘అదుగో’ అనే సినిమా తీస్తోన్న విషయం తెలిసిందే. ఆ తెల్లటి పందిపిల్లతోనే విభిన్నంగా తన సినిమా ప్రచారం చేసుకుంటున్నాడు సదరు దర్శకుడు. గతంలో ఓ సారి దాన్ని పట్టుకుని ఏటీఎం ముందు క్యూలో నిలబడి అందరి దృష్టినీ తన సినిమాపైకి తిప్పుకున్న రవిబాబు తాజాగా పబ్లిసిటీ కోసం మరో ప్రయోగం చేశాడు.

పంది పిల్ల పళ్లు తోముతూ దాన్ని బుజ్జగిస్తూ ఓ వీడియో విడుదల చేశాడు. ఈ వీడియో రవిబాబు తండ్రి, నటుడు చలపతిరావు ఫేస్‌బుక్‌లో పోస్ట్ చేయగా బాగా వైరల్ అవుతోంది. ఈ సినిమా అందర్నీ బాగా నవ్విస్తుందని, మీ ఆశీస్సులు ఈ చిత్రానికి ఉంటాయని ఆశిస్తున్నానని చలపతి రావు పేర్కొన్నారు.

ప్రతి సినిమాకూ ప్రేక్షకుల ఆశీస్సులు ఉండబట్టే బాగా ఆడుతున్నాయని, ప్రేక్షక దేవుళ్లకు మరోసారి నమస్కారాలు తెలుపుతున్నానని, ఈ వీడియో నచ్చితే అందరికి షేర్ చేయండని అన్నారు.  ‘అదుగో’ సినిమా సురేష్‌ ప్రొడక్షన్స్‌ సమర్పణలో ఫ్లైయింగ్‌ ఫ్రాగ్స్‌ పతాకంపై రూపుదిద్దుకుంటోంది. హార్ర‌ర్‌, సస్పెన్స్ థ్రిల్ల‌ర్ సినిమాలు తీస్తూ ప్రేక్షకులను కడుపుబ్బా నవ్విస్తూనే భయపెట్టే రవిబాబు ఈ సారి మరో ప్రయోగంతో ముందుకు వస్తున్నాడు.

 

 

 

 

LEAVE A REPLY

Please enter your comment!
Please enter your name here